၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများအပေါ် စုံစမ်းစစ်ဆေးတွေ့ရှိချက်များ

Submitted by Anonymous (not verified) on Wed, 2025-01-22 18:33

၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကေက်ပွဲတွင် ဖြစ်ပွားခဲ့သည့် မဲမသမာမှုနှင့် တရားမဲ့ပြုကျင့်မှုများ အပေါ် စုံစမ်းစစ်ဆေးတွေ့ရှိချက်များနှင့် စပ်လျဉ်း၍ ပြည်တွင်း/ပြည်ပမှ လေ့လာလိုသူများအနေဖြင့် ပြည်ထောင်စု ရွေးကောက်ပွဲကော်မရှင်က လွှင့်တင်ထားသည့် Website https://2020election.uec.gov.mm/ တွင်လည်းကောင်း၊ Mobile Application ကို အဆိုပါ Website တွင် Download ရယူ၍လည်းကောင်း လေ့လာဖတ်ရှုနိုင်ပါသည်။

Pages

သတင်းနှင့်ကြေငြာချက်များ

AFoCO RETC သင်တန်းကျောင်း၌ ၂၀၂၆ ခုနှစ်၏ ပဉ္စမအကြိမ်မြောက် တိုးချဲ့ပညာပေးအစီအစဉ် ကျင်းပဆောင်ရွက်

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ AFoCO RETC စီမံကိန်း သင်တန်းကျောင်းသည် AFoCO အဖွဲ့ဝင်နိုင်ငံများမှ သင်တန်းသားများ ဖိတ်ကြား၍ ကာလတိုပုံမှန်သင်တန်းများ၊ သစ်တောမှီခိုသူ ဒေသခံပြည်သူများ၏ လူမှုစီးပွားအထောက် အကူပြု သင်တန်းများ၊ သင်တန်းကျောင်းဝန်ထမ်းများ၏ စွမ်းဆောင်ရည်မြှင့်တင်သည့် သင်တန်းများအပြင် သစ်တောဆိုင်ရာ တိုးချဲ့ပညာပေးအစီအစဉ်များ (Eco-school Program)ကိုလည်း နှစ်စဉ် စီစဉ် ဖွင့်လှစ်လျက်ရှိပါသည်။AFoCO RETC ၏ ၂၀၂၆-၂၀၂၇ ဘဏ္ဍာနှစ်၊ သင်တန်းအစီအစဉ်များအရ Eco-school Program ၏ ပဉ္စအကြိမ်မြောက်အဖြစ် စီစဉ်ဆောင်ရွက်သည့် ‘သဘာဝပတ်ဝန်းကျင် ထိန်း သိမ်းရေး အသိပညာမျှဝေခြင်း’အစီအစဉ် အခမ်းအနားကို ၂၀၂၆ ခုနှစ်၊ စက်တင်ဘာလ ၂၄ ရက်နေ့၊ နံနက် ၀၉:၀၀ နာရီတွင် AFoCO RETC သင်တန်းကျောင်း၌ ကျင်းပခဲ့ရာ မှော်ဘီမြို့နယ်ရှိ အခြေခံပညာ ကျောင်းများမှ ဆရာ(၁၉)ဉီး၊ဆရာမ(၇၇)ဦး၊စုစုပေါင်း(၉၆)ဦးမှ လေ့လာရေးလာရောက်ခဲ့ပါကြောင်းသတင်းရရှိပါသည်။

တနင်္သာရီတိုင်းဒေသကြီး၊ မြိတ်ခရိုင်၊ကျွန်းစုမြို့နယ်၊သစ်တောဦးစီးဌာနမှ"ဒီရေတောထိန်းသိမ်းရေးနှင့် ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာ"ဆိုင်ရာအသိပညာပေးဟောပြောပွဲကျင်းပ

တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၊ သစ်တောဦးစီးဌာနမှ"ဒီရေ​​တောထိန်းသိမ်းရေးနှင့်ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာအသိပညာပေး​ဟော​ပြေပွဲအခမ်းအနားကို(၂၃-၉-၂၀၂၆)ရက်နေ့၊ နံနက်(၀၉:၃၀)နာရီအချိန်တွင်ကျင်းပဆောင်ရွက်ခဲ့ရာ​ကမ်းကြီးကျေးရွာအုပ်စု၊ကမ်းကြီး​ကျေးရွာတာဝန်ခံနှင့်ရပ်မိရပ်ဖများ၊ကမ်းကြီး​ကျေးရွာ​ဒေသခံပြည်သူအစုအဖွဲ့ပိုင်သစ်​တောအသုံးပြုသူအဖွဲ့မှအဖွဲ့ဝင်များ၊ဆရာမနှင့်ကျောင်းသား/သူ ကျား(၄၈)ဦး၊ မ(၇၀)ဦး၊စုစုပေါင်း(၁၁၈)ဦးတက်ရောက်ခဲ့ကြပါသည်။အခမ်းအနားတွင်ကျွန်စုမြို့နယ်၊ သစ် တောဦစီးဌာန၊မြို့နယ်ဦးစီးဌာနမှူး၊ဦးခင်စိုးမှဒီရတေောအဓိပ္ပါယ်၊ ဒီရေတောများပျံ့နှံ့စွာပေါက်ရောက်မှုအခြေအနေ၊ဒီရေတောများမှကမ်းရိုးတန်းနေပြည်သူများနှင့်ဂေဟစနစ်အပေါ်အကျိုးဖြစ်ထွန်းစေမှု၊ဒီရေတောများထိန်းသိမ်းခြင်းနှင့်ပြန်လည်တည်ထောင်ရာတွင်ပူးပေါင်းဆောင်ရွက်ရမည့်အချက်များ၊ ICM အစီအစဥ်အရဆောင်ရွက်သည့်လုပ်ငန်းများ၊ တနင်္သါရီတိုင်းဒေသကြီးအတွင်း ဒီရေတောများ ပေါက်ရောက်မှုအခြေအနေတို့အား​ဟော​ပြော​ဆွေး​နွေးခြင်း​ဆောင်ရွက်ပြီး ​တောအုပ်ဦး​ဇော်ကိုလတ်မှ ဒေသခံပြည်သူအစုအဖွဲ့ပိုင်သစ်တောလုပ်ငန်းအဓိပ္ပါယ်၊​လျောက်ထားလိုပါက ခွင့်ပြုရန်သတ်မှတ်ချက်များ၊စည်းကမ်းချက်များ၊တည်ထောင်ပါကအကျိုးကျေးဇူးများစသည့်အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခြင်းဆောင်ရွက်ခဲ့ပြီးအသိပညာပေးလက်ကမ်းစာစောင်များဖြန့်ဝေပေးခြင်း၊ သစ်​တော​ကြေးမုံစာ​စောင်များ အား​ကျောင်းစာကြည့်တိုက်သို့ လှူဒါန်းခြင်း၊ တက်ရောက်လာသူများ၏ သိရှိလိုသည်အချက်များအပေါ် ပြန်လည်ရှင်းလင်းဖြေကြားခြင်းများဆောင်ရွက်ခဲ့ပါကြောင်းသတင်းရရှိသည်။

မြိတ်ခရိုင်၊မြိတ်မြို့၊သစ်တောဦးစီးဌာနမှဒီရေတောထိန်းသိမ်းရေးနှင့် ဒေသခံပြည်သူအစုအဖွဲ့ပိုင်သစ််‌တောလုပ်ငန်းဆိုင်ရာအသိပညာပေးဟောပြောပွဲ(မြို့နယ်အဆင့်)ကျင်းပ

မြိတ်မြို့နယ်၊သစ်တောဦးစီးဌာနမှ ဒီရေတောထိန်းသိမ်းရေးနှင့် ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာအသိပညာပေးဟောပြောပွဲအား မြို့နယ်အဆင့် အသိပညာပေးဟောပြောပွဲ အခမ်းအနားကို (၂၂-၉-၂၀၂၆)ရက်နေ့၊ နံနက်(၀၉:၃၀)နာရီ၌ မြိတ်မြို့နယ်၊အ.ထ.က(၄) စာသင်ကျောင်းတွင် ကျင်းပဆောင်ရွက်ခဲ့ရာ ကျောင်းအုပ်ဆရာမကြီးနှင့်ဆရာ/ဆရာမ(၁၁)ဦးကျောင်းသား(၅၈)ဦး၊ကျောင်းသူ(၈၉)ဦးနှင့်သစ်တောဦးစီးဌာနမှ ဝန်ထမ်း (၉)ဦး ကျား(၆၇)ဦး၊ မ( ၁၀၀)ဦး၊ စုစုပေါင်း (၁၆၇)ဦးတက်ရောက်ခဲ့ကြပါသည်။မြိတ်မြို့နယ်၊သစ်တောဦးစီးဌာန၊ဦးစီးအရာရှိ-ဦးဝေယံမြင့်ချိုမှ ဒီရေတောထိန်းသိမ်းရေးဆိုင်ရာလုပ်ငန်းများ၊ဒီရေတောသစ်ပင်များမှရရှိသော သွယ် ဝိုက်/ တိုက်ရိုက်အကျိုးကျေးဇူးများ၏ အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခဲ့ပါသည်။ ဆက်လက်၍‌ တောအုပ်ကြီး ဦးခင်မောင်ဆန်းမှဒေသခံပြည်သူအစုအဖွဲ့ပိုင်သစ်တောလုပ်ငန်းတည်ထောင်ခြင်း လုပ်ငန်းစဉ်များနှင့်ပတ်သက်သည့် အကြောင်းအရာများ‌ကို ဟောပြောပို့ချခဲ့ပြီးတက်​ရောက်လာသူများမှ သိလိုသည်များအား ပြန်လည်‌ဖြေကြားခြင်းနှင့် လက်ကမ်းစာ‌ စောင်များအားဖြန့်ဝေပေးခဲ့ပါကြောင်း သတင်းရရှိသည်။

မုဒုံမြို့နယ်၊ သစ်တောဦးစီးဌာနမှတရားမဝင်သစ်ထုတ်လုပ်မှုလျော့နည်းပပျောက်ရေးအသိပညာပေးဟောပြောပွဲကျင်းပပြုလုပ်ခြင်း

၂၂-၉-၂၀၂၆ ရက်၊အင်္ဂါနေ့၊(၀၉:၃၀)နာရီအချိန် မုဒုံမြို့နယ်၊ တာပသွန်ကျေးရွာအုပ်စု၊ သယာကုန်းကျေးရွာတွင်“တရားမဝင်သစ်ထုတ်လုပ်မှုလျော့နည်းပပျောက်ရေး အသိပညာပေးဟောပြောပွဲ”ကျင်းပပြုလုပ်ရာ ရက်ကွက်သူ/သား ကျား(၄၁)ဦး၊ မ(၁၀)ဦး၊ ပေါင်း(၅၁)ဦး၊ သစ်တောဝန်ထမ်း (၄)ဦးတက်ရောက်ခဲ့ပြီး အခမ်းအနားတွင် မုဒုံမြို့နယ်၊ သစ်တောဦးစီးဌာန တောအုပ်ကြီး ဦးဝင်းစိုးမှ တရားမဝင်သစ်ထုတ်လုပ်မှုလျော့နည်းပပျောက်ရေး ဆောင်ရွက်နေသည့်အကြောင်းအရာများ၊ သစ်တောဥပဒေများနှင့်အရေးယူဆောင်ရွက်နေမှုများအား ဆွေးနွေးဟောပြောခဲ့ပါကြောင်း သတင်းရရှိသည်။

ပဲခူးရိုးမစိမ်းလန်းစိုပြည်ရေးဧရိယာအတွင်းမှ တရားမဝင်သစ်များဖမ်းဆီးရမိ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် မြန်မာ့ကျွန်းသစ်မူရင်း ဒေသဖြစ်သော ပဲခူးရိုးမအတွင်း ၂၀၁၆-၁၇ ဘဏ္ဍာနှစ်မှစ၍ တရားဝင်သစ်ထုတ်လုပ်ခြင်းလုပ်ငန်းအား (၁၀)နှစ်ရပ်နား ထားပြီး သစ်တောပြုစုထိန်းသိမ်းခြင်းလုပ်ငန်းများအား အရှိန်အဟုန်မြှင့်ဆောင်ရွက်နေလျှက်ရှိသည့်အပြင် တရားမဝင် သစ်ခိုးထုတ်ခြင်း၊ တရားမဝင်တောရိုင်းတိရစ္ဆာန်များ သတ်ဖြတ်ခြင်းနှင့် ကျူးကျော်အခြေချနေထိုင်ခြင်းများအား ပြည်သူပူးပေါင်းပါဝင်မှုဖြင့် စီမံချက်ချအကောင်အထည်ဖော် ဆောင်ရွက်နေလျှက်ရှိပါသည်။ ပဲခူးရိုးမစိမ်းလန်းစိုပြည်ရေးဧရိယာအတွင်းမှ(၇-၉-၂၀၂6)ရက်နေ့မှ(၁၃-၉-၂၀၂၆)ရက်နေ့ထိ တစ်ပတ်တာကာလအတွင်း တရားမဝင်ကျွန်း၊ သစ်မာ၊အခြား စုစုပေါင်း(၁၉.၉၄၆၃)တန်ဖမ်းဆီးရမိခဲ့ပါသည်။

၁၄-၉-၂၀၂၆ ရက်နေ့မှ ၂၀-၉-၂၀၂၆ ရက်နေ့အထိ နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှဖမ်းဆီးရမ

နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၄၄.၅၀၄၈)တန်၊ သစ်မာ (၉.၈၇၈၀)တန်၊ အခြား (၅၃.၇၂၈၆)တန်၊ စုစုပေါင်း(၁၀၈.၁၁၁၄)တန်၊ ယာဉ်/ယန္တရား(၆)စီး၊ တရားခံ(၁၀)ဦးဖမ်းဆီးရမိခဲ့ပါသည်။ဖမ်းဆီးရမိမှုများအနက် အများဆုံးဖမ်းဆီးရမိမှုမှာ ၁၇-၉-၂၀၂၆ ရက်နေ့တွင် ပဲခူးတိုင်း ဒေသကြီး၊ တောင်ငူခရိုင်၊ အုတ်တွင်းမြို့နယ်၊ သပြေဝ(၁-က)ဘိနယ်၊ အုတ်တွင်း- ပေါက်ခေါင်းကားလမ်း၊ ဒေသအခေါ် (၅)မိုင်ကျေးရွာအနီးမှ တရားမဝင်ကျွန်း/ ပျဉ်းကတိုး သစ်လုံး/ခွဲသား/ပါကေး/လျှာထိုး စုစုပေါင်း(၁၂၁၆၇)လုံး/ချောင်း/ချပ်(၃၂.၂၁၁၈)တန်၊ ပိုင်ရှင်မဲ့ဖမ်းဆီးရမိမှုဖြစ်ပါသည်။

သတ္တမအကြိမ်ကမ္ဘာလုံးဆိုင်ရာပတ်ဝန်းကျင်အခြေအနေအလားအလာအစီရင်ခံစာ(Global Environment Outlook 7 (GEO-7)တွေ့ရှိချက်များနှင့်အရေးကြီးသတင်းစကားများဆောင်းပါး

ကမ္ဘာလုံးဆိုင်ရာ ပတ်ဝန်းကျင်အခြေအနေ အလားအလာ အစီရင်ခံစာ (GEO)
ကမ္ဘာလုံးဆိုင်ရာ ပတ်ဝန်းကျင်အခြေအနေ အလားအလာ အစီရင်ခံစာ (GEO)သည် ကုလသမဂ္ဂ ပတ်ဝန်းကျင်အစီအစဉ် (UNEP) ၏ အဓိက ကမ္ဘာလုံးဆိုင်ရာပတ်ဝန်းကျင် အကဲဖြတ် အစီရင်ခံစာတစ်ခုဖြစ်သည်။ သိပ္ပံနှင့်မူဝါဒအကြား ချိတ်ဆက်ပေးသည့် ယန္တရားတစ်ခု အဖြစ်လည်း ကောင်း၊ ကမ္ဘာတစ်ဝန်းရှိ သိပ္ပံပညာရှင်များ၊ တက္ကသိုလ်များနှင့် သုတေသနအဖွဲ့ အစည်းများပူးပေါင်းဆောင်ရွက်သည့် လုပ်ငန်းစဉ်အဖြစ်လည်းကောင်း၊ ပတ်ဝန်းကျင်အခြေ အနေ၊ မူဝါဒများ၏ ထိရောက်မှုနှင့် အနာဂတ်အလားအလာများကို အကဲဖြတ်သည့်စနစ်အဖြစ်လည်းကောင်း ရည်ရွယ်ပြီး ကမ္ဘာလုံးဆိုင်ရာ ပတ်ဝန်းကျင်အခြေအနေ အလားအလာ အစီရင်ခံစာများ(GEO)ကိုပြုစုထုတ်ဝေခဲ့ပါသည်။ ၂၀၂၅ ခုနှစ်တွင် ထုတ်ဝေခဲ့သောသတ္တမအကြိမ် ကမ္ဘာလုံးဆိုင်ရာ ပတ်ဝန်းကျင်အခြေအနေအလားအလာအစီရင်ခံစာ (GEO 7)သည် လွန်ခဲ့သော နှစ်ပေါင်း ၃၀ ကျော် အတွင်း ကမ္ဘာ့ပတ်ဝန်းကျင်အခြေအနေကို သိပ္ပံနည်းကျ အကဲဖြတ်တင်ပြလာခဲ့သော အရေးပါဆုံးကမ္ဘာလုံးဆိုင်ရာအစီရင်ခံစာတစ်ခုလည်းဖြစ်သည်။ ပတ်ဝန်းကျင်ဆိုင်ရာပြဿနာများသည် သဘာဝအရင်းအမြစ်များ ထိန်းသိမ်းရေးအတွက်သာမက စီးပွားရေးဖွံ့ဖြိုးမှု၊ စားရေ ရိက္ခာဖူလုံရေး၊ ကျန်းမာရေးနှင့် လူမှုဖူလုံရေးတို့နှင့် တိုက်ရိုက်ဆက်စပ်လျက်ရှိပြီး နိုင်ငံ စဉ်ဆက်မပြတ် ဖွံ့ဖြိုးတိုးတက်ရေးနှင့် ခွဲခြား၍မရသော အရေးကိစ္စများဖြစ်ပါသည်။ GEO-7 အစီရင်ခံစာ၏ အဓိကခေါင်းစဉ်သည် “ကျွန်တော်တို့ ရွေးချယ်သော အနာဂတ်”(The Future We Choose)ဖြစ်သည်။

တနင်္သာရီတိုင်းဒေသကြီး၊ မြိတ်ခရိုင်၊ကျွန်းစုမြို့နယ်၊သစ်တောဦးစီးဌာနမှ ပင်လယ်ကမ်းရိုးတန်းသယံဇာတဘက်စုံစီမံအုပ်ချုပ်လုပ်ကိုင်မှုစီမံချက်(ICM)အရ"ဒီရေတောထိန်းသိမ်းရေးနှင့်ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာ"ဆိုင်ရာအသိပညာပေးဟောပြောပွဲကျင်းပ

တနင်္သာရီတိုင်းဒေသကြီး၊မြိတ်ခရိုင်၊ကျွန်းစုမြို့နယ်၊ သစ်တောဦးစီးဌာနမှ"ဒီရေ​​တောထိန်းသိမ်းရေးနှင့်ဒေသခံပြည်သူအစုအဖွဲ့ပိုင်သစ်တောလုပ်ငန်းဆိုင်ရာအသိပညာပေး​ဟော​ပြေပွဲ အခမ်းအနားကို(၁၆-၉-၂၀၂၆) ရက်နေ့၊ နံနက်(၀၉:၃၀)နာရီအချိန်တွင်ကျွန်းစုမြို့နယ်​ မောင်း​လှော်​ကျေးရွာ၊ အ.ထ.က(ခွဲ)​မောင်း​လှော်၌ကျင်းပဆောင်ရွက်ခဲ့ရာ​မောင်း​လှော်​ကျေးရွာအုပ်စုအုပ်ချုပ်​ရေးမှူးနှင့်ရပ်မိရပ်ဖများ၊ဆရာမနှင့် ကျောင်းသား/သူ ကျား(၄၅)ဦး၊ မ(၇၅)ဦး ၊ စုစုပေါင်း(၁၂၀)ဦးတက်ရောက်ခဲ့ကြပါသည်။ အခမ်းအနားတွင် ကျွန်စုမြို့နယ်၊ သစ်တောဦးစီးဌာန၊ မြို့နယ်ဦးစီးဌာနမှူး၊ဦးခင်စိုးမှဒီရတေောအဓိပ္ပါယ်၊ ဒီရေတောများပျံ့နှံ့စွာပေါက်ရောက်မှုအခြေအနေ၊ ဒီရေတောများမှကမ်းရိုးတန်းနေပြည်သူများနှင့်ဂေဟစနစ်အပေါ် အကျိုးဖြစ်ထွန်းစေမှု၊ ဒီရေတောများထိန်းသိမ်းခြင်းနှင့်ပြန်လည်တည်ထောင်ရာတွင်ပူးပေါင်းဆောင်ရွက်ရမည့်အချက်များ၊ICM အစီအစဥ်အရဆောင်ရွက်သည့်လုပ်ငန်းများ၊ တနင်္သါရီတိုင်းဒေသကြီးအတွင်း ဒီရေတောများ ပေါက်ရောက်မှုအခြေအနေတို့အား​ဟော​ပြော​ဆွေး​နွေးခြင်း​ဆောင်ရွက်ပြီး ​တောအုပ်ဦးနိုင်မင်းမှ ဒေသခံပြည်သူအစုအဖွဲ့ပိုင်သစ်တောလုပ်ငန်းအဓိပ္ပါယ်၊​လျောက်ထားလိုပါက ခွင့်ပြုရန်သတ် မှတ်ချက်များ၊စည်းကမ်းချက်များ၊တည် ထောင်ပါက အကျိုးကျေးဇူးများစသည့်အကြောင်းအရာများကို တက်ရောက်လာသူများသို့ အသိပညာပေးဆွေးနွေးဟောပြောခြင်းဆောင်ရွက်ခဲ့ပြီးအသိပညာပေးလက်ကမ်းစာစောင်များဖြန့်ဝေပေးခြင်း၊ သစ်​တော​ကြေးမုံစာ​စောင်များ အား​ကျောင်းစာကြည့်တိုက်သို့ လှူဒါန်းခြင်း၊ တက်ရောက်လာသူများ၏ သိရှိလိုသည်အချက်များအပေါ် ပြန်လည်ရှင်းလင်းဖြေကြားခြင်းများဆောင်ရွက်ခဲ့ပါကြောင်းသတင်းရရှိပါသည်။

Pages

more