သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

အီလက်ထရွန်နစ် စွန့်ပစ်ပစ္စည်းများ (E- waste)
အီလက်ထရွန်နစ်စွန့်ပစ်ပစ္စည်းများ(Electronic Waste/ E-waste/ Waste Electrical and Electronic Equipment-WEEE)ဆိုသည်မှာ ယေဘုယျအားဖြင့် စွန့်ပစ်ထားသော၊ အသုံးမပြုတော့သော ဟောင်းနွမ်းပျက်စီးနေသည့် လျှပ်စစ် သို့မဟုတ် အီလက်ထရွန်နစ်ပစ္စည်း အမျိုးမျိုးကို ဆိုလိုပါသည်။ အဆိုပါပစ္စည်းများတွင် ဘက်ထရီဖြင့်အသုံးပြုရသော ကလေးကစားစရာများ၊ စွန့်ပစ်ထားသောရုပ်မြင်သံကြားစက်များ၊ အသုံးမပြုတော့သည့် စမတ်ဖုန်းအဟောင်းများ၊ အသုံးဝင်မှု သက်တမ်းကုန်ဆုံးသွားသော မီးဖိုချောင်သုံးလျှပ်စစ်ပစ္စည်းများနှင့် ရေချိန်စက်များ စသည်တို့ပါဝင်ပါသည်။ တစ်နည်းအားဖြင့် လက်ရှိသုံးစွဲသူအတွက် အဆင် မပြေဖြစ်စေသော၊ အသုံးပြု၍ မရတော့သောလျှပ်စစ်စွန့်ပစ်စ္စည်းများဖြစ်ပါသည်။တချို့သော လျှပ်စစ် သို့မဟုတ် အီလက်ထရွန်နစ်အစိတ်အပိုင်းများ အမြဲတမ်းတပ် ဆင်ထားသောပစ္စည်းများသည် ရုတ်တ ရက်ကြည့်လျှင် လျှပ်စစ်ပိုင်းဆိုင်ရာပစ္စည်း ကိရိယာ များဟုမထင်ရသော်လည်း အမှန်စင်စစ် လျှပ်စစ်ပိုင်းဆိုင်ရာ ပစ္စည်းကိရိယာများဖြစ်သည်။ ဥပမာအားဖြင့် မီးလင်းသောအောက်ခံပါသည့် ဖိနပ်များ၊ လျှပ်စစ်ဖြင့် ချိန်ညှိနိုင်သော အိပ်ရာအောက်ခံပြားများ(slatted frames)နှင့် အတွင်းပိုင်းတွင် မီးအလင်းရောင်စနစ် တပ်ဆင်ထားသော ဗီရိုများ၊ အင်တင်နာများ၊ လျှပ်စစ်ကြိုးများ(cables)၊ အဒက်တာများ(adapters)၊ ပလပ်ပေါက်များ(sockets) နှင့် ပလပ်များ(plugs)စသည်တို့ပါဝင်ပါသည်။

မကွေးတိုင်းဒေသကြီး၊ သရက်ခရိုင်၊မင်းလှမြို့နယ် ၊သစ်တောဦးစီးဌာနမှူးရုံးမှ(၂၄-၉-၂၀၂၆)ရက်နေ့ (၁၄း၀၀)နာရီတွင် မင်းလှမြို့မြို့နယ်၊ ပေတော(ကန္နား)ကျေးရွာအုပ်စု၊ သဖန်းေချာင်းကျေးရွာ၊ စုရပ်ဆောင်တွင်"တရားမဝင်သစ်ထုတ်လုပ်မှုလျော့နည်းပပျောက်ရေးနှင့်သဘာဝပတ်ဝန်း ကျင်ထိန်းသိမ်းရေး၊ဇီဝမျိုးစုံမျိုးကွဲများထိန်းသိမ်းရေး"အသိပညာပေး ဟောပြောပွဲကို ကျင်းပပြုလုပ်ခဲ့ရာ အခမ်းနားတွင် ဦးဝေယံ(တောအုပ်)မှ သစ်တောဥပဒေ၊သစ် တောနည်းဥပ​ဒေများ၊ ပြစ်မှု​ပြစ်ဒဏ်များ ရှင်းလင်းပြော​ကြား​ခြင်း၊သစ်တောသစ်ပင်များမှရရှိနိုင်သည့်အကျိုးကျေးဇူးများ၊သစ်ပင်စိုက်ပျိုးခြင်း၊သစ်တောပြုစုထိန်းသိမ်းရေးဆိုင်ရာများ၊သစ်တောပြုန်းတီးခြင်း၊ရာသီဥတု ပြောင်းလဲခြင်း၊သစ်ပင်များစိုက်ပျိုးထိန်းသိမ်းခြင်းဖြင့်သဘာဝဘေးအန္တရာယ်ကာကွယ်တားဆီးရေးလုပ်ငန်းများ​၊ဇီဝမျိုးစုံမျိုးကွဲနှင့်သဘာဝပတ်ဝန်းကျင်ထိန်းသိမ်းရေးဆိုင်ရာများနှင့်သစ်တောမြေပြင်ပမှ သစ်ပင်များမှတ်ပုံတင်ခြင်းလုပ်ငန်းအားရှင်းလင်းပြောကြားခဲ့​ပြီး ဒေသခံပြည်သူများမှ သိရှိလိုသည်များအားတာဝန်ရှိသူမှ ဖြေ​ကြားခဲ့ပါသည်။ ဟောပြောပွဲသို့ သစ်​တောဦးစီးဌာနမှူးရုံးမှ ဝန်ထမ်း(၂)ဦး၊ ပေတော(ကန္နား)ကျေးရွာအုပ်စုအုပ်ချုပ်ရေးမှူးနင့် သဖန်းချောင်းကျေးရွာ ဒေသခံပြည်သူ ကျား(၂၆)၊မ(၂၉)ဦး စုစုပေါင်း(၅၇)ဦး တက်ရောက်ခဲ့ပါကြောင်း သတင်းရရှိသည်။

မကွေးတိုင်းဒေသကြီး၊ မကွေးခရိုင်၊တောင်တွင်းကြီးမြို့နယ် ၊သစ်တောဦးစီးဌာနမှူးရုံးမှ (၂၄-၉-၂၀၂၆)ရက်နေ့ (၁၂:၄၀)နာရီတွင် တောင်တွင်းကြီးမြို့နယ်၊ ပန်းသွင်လေးကျေးရွာအုပ်စု၊ ကုက္ကိုလှကျေးရွာ၊ဓမ္မာရုံတွင်"တရားမဝင်သစ်ထုတ်လုပ်မှုလျော့နည်းပပျောက်ရေးနှင့်သဘာဝပတ်ဝန်းကျင်ထိန်းသိမ်းရေး"အသိပညာပေးဟောပြောပွဲကျင်းပပြုလုပ်ခဲ့ရာအခမ်းနားတွင် ဦးထွန်းထွန်းဝင်း(တောအုပ်ကြီး)မှ သစ်တောဥပဒေ၊သစ် တောနည်းဥပ​ဒေများ၊ ပြစ်မှု​ပြစ်ဒဏ်များရှင်းလင်းပြော​ကြား​ခြင်း၊သစ်တောသစ်ပင်များမှရရှိနိုင်သည့်အကျိုးကျေးဇူးများ၊သစ်ပင်စိုက်ပျိုးခြင်း၊သစ်တောပြုစုထိန်းသိမ်းရေးဆိုင်ရာများ၊သစ်တောပြုန်းတီးခြင်း၊ရာသီဥတု ပြောင်းလဲခြင်း၊သစ်ပင်များစိုက်ပျိုးထိန်းသိမ်းခြင်းဖြင့်သဘာဝဘေးအန္တရာယ်ကာကွယ်တားဆီးရေးလုပ်ငန်းများ​၊ဇီဝမျိုးစုံမျိုးကွဲနှင့်သဘာဝပတ်ဝန်းကျင်ထိန်းသိမ်းရေးဆိုင်ရာများနှင့်သစ်တောမြေပြင်ပမှ သစ်ပင်များမှတ်ပုံ တင်ခြင်းလုပ်ငန်းအားရှင်းလင်းပြောကြားခဲ့​ပြီး ဒေသခံပြည်သူများမှ သိရှိလိုသည်များအားတာဝန်ရှိသူမှ ဖြေ​ကြားခဲ့ပါသည်။ ဟောပြောပွဲသို့ သစ်​တောဦးစီးဌာနမှူးရုံးမှ ဝန်ထမ်း(၃)ဦး၊ပန်းသွင်ကြီးကျေးရွာအုပ်စု၊အုပ်ချုပ်ရေးမှူးပါ ဒေသခံပြည်သူ ကျား(၃၃)၊မ(၃၆)ဦး စုစုပေါင်း(၇၂)ဦး တက်ရောက်ခဲ့ပါကြောင်းသတင်းရရှိသည်။