၂၆-၆-၂၀၁၇ ရက်နေ့၌ မန္တလေးတိုင်းဒေသကြီး၊ မန္တလေးခရိုင် လက်ထောက်ညွှန်ကြားရေးမှူး ခေါင်းဆောင်၍ အောင်မြေသာစံမြို့နယ် ဦးစီးအရာရှိနှင့် သစ်တောဦးစီးဌာန ဝန်ထမ်း များ၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးတို့ ပါဝင်သော ပူးပေါင်းအဖွဲ့သည် တရားမဝင်သစ် ခိုးယူစုဆောင်းထားရှိမှုအား စုံစမ်းရှာဖွေဖော်ထုတ်ခဲ့ရာ အောင်မြေသာစံမြို့နယ်၊ မင်းတဲအီကင်းရပ်ကွက်၊ အကွက် (၁၁၁)မှ တရားမဝင် ကျွန်းခွဲသား/သစ်ယာခွဲသား (၁၄၆၂)ချောင်း (၂၁.၃၂၅၆)တန် ကို တရားခံ(၂)ဦးနှင့်အတူ ဖမ်းဆီး ရမိခဲ့ပြီး၊ တရားမဝင်သစ်နှင့် တရားခံများအား ထိရောက်စွာအရေးယူနိုင်ရေး သက်ဆိုင်ရာရဲစခန်းတွင် အ-ပ-က (၃)ဖြင့် အမှုဖွင့်လှစ်ထားပါသည်။