ဧရာဝတီတိုင်းဒေသကြီး၊ မြောင်းမြခရိုင်၊ လပွတ္တာမြို့နယ်တွင် သစ်တောထိန်းသိမ်းရေး၊ တောမီးကာကွယ်ရေး၊ မီးခိုးမြူငွေ့လျှော့ချရေးနှင့် စူပါအယ်နီညိုရာသီဥတုဖြစ်စဉ်နှင့် လိုက်လျောညီထွေနေထိုင်နိုင်ရေး အသိပညာပေးဟောပြောပွဲ"ကျင်းပ
ဧရာဝတီတိုင်းဒေသကြီး၊ မြောင်းမြခရိုင်၊ လပွတ္တာမြို့နယ်၊ သစ်တောဦးစီးဌာနမှ "သစ်တောထိန်းသိမ်းရေး၊ တောမီးကာကွယ်ရေး၊ မီးခိုးမြူငွေ့လျှော့ချရေးနှင့် စူပါအယ်နီညိုရာသီဥတုဖြစ်စဉ်နှင့် လိုက်လျောညီထွေနေထိုင်နိုင်ရေး အသိပညာပေးဟောပြောပွဲ" အခမ်းအနားကို (၂၁.၁၀.၂၀၂၆)ရက်နေ့၊ နံနက်(၀၉:၃၀)နာရီအချိန်တွင် လပွတ္တာမြို့နယ်၊ သစ်ပုတ်ကျေးရွာအုပ်စု၊ ကွင်းမကြီးကျေးရွာ၊ ရေတွင်းချောင်းခရစ်ယာန်အသင်းတော်ကျောင်းနေရာတွင် ကျင်းပဆောင်ရွက်ခဲ့ရာ ကွင်းမကြီးကျေးရွာမှ ဒေသခံပြည်သူ ကျား(၃၀)ဦး၊ မ(၁၅)ဦး၊ ကျောင်းသား(၁၀)ဦး၊ ကျောင်းသူ(၁၁)ဦး၊ ဆရာ(၁)ဦး၊ ဆရာမ(၄)ဦးနှင့် သစ်တောဦးစီးဌာနမှ ဝန်ထမ်း(၃)ဦး၊ စုစုပေါင်း (၇၃)ဦး တက်ရောက်ခဲ့ပါသည်။အခမ်းအနားတွင် တောအုပ်ကြီး ဦးသိန်းစိုးမှ သစ်ပင်များ၏ အကျိုးကျေးဇူးများ၊ သစ်တောပြုစုထိန်းသိမ်းရေးဆိုင်ရာများ၊ တောမီးကာကွယ်ရေး၊ မီးခိုးမြူငွေ့လျှော့ချရေး၊ စူပါအယ်နီညိုကြောင့် ဖြစ်ပေါ်လာနိုင်သည့် ရာသီဥတုဆိုင်ရာများကြောင့် လိုက်လျောညီထွေစွာ နေထိုင်နိုင်ရေး၊ သောက်သုံးရေရှားပါးမှုနှင့် ရေချွေတာသုံးစွဲရေးတို့အား ဆွေးနွေးဟောပြောခဲ့ပါသည်။ ထို့နောက်တက်ရောက်လာသူများမှ သိရှိလိုသည်များကို ရှင်းလင်းပြောကြားခြင်း ဆောင်ရွက်ခဲ့ပါကြောင်း သတင်းရရှိသည်။
