သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ သစ်တောသုတေသနဌာနခွဲတွင် လစ်လပ်လျက်ရှိသော သုတေသနလက်ထောက်(၃) (လစာနှုန်းကျပ် ၁၉၈၀၀၀-၂၀၀၀-၂၀၈၀၀၀) ရာထူး(၄)နေရာ အတွက် လျှောက်လွှာများခေါ်ယူခြင်း

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ သစ်တောသုတေသနဌာနခွဲတွင် လစ်လပ်လျက်ရှိသော သုတေသနလက်ထောက်(၃) (လစာနှုန်းကျပ် ၁၉၈၀၀၀-၂၀၀၀-၂၀၈၀၀၀) ရာထူး(၄)နေရာ အတွက် လျှောက်လွှာများခေါ်ရယူခြင်း

၁။       သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ သစ်တောသုတေသနဌာနခွဲတွင် လစ်လပ်လျက်ရှိသော သုတေသနလက်ထောက်(၃) (လစာနှုန်းကျပ် ၁၉၈၀၀၀-၂၀၀၀-၂၀၈၀၀၀) ရာထူး(၄)နေရာ အတွက် လျှောက်လွှာများတင်သွင်းနိုင်ပါသည်။ 

၂။       လျှောက်ထားသူသည်-

(က)  ပြည်ထောင်စုသမ္မတမြန်မာနိုင်ငံသားဖြစ်ရမည်၊

(ခ)   သိပ္ပံဘွဲ့ (ရုက္ခဗေဒ၊ သတ္တဗေဒ၊ ဘူမိဗေဒ၊ ဓာတုဗေဒ) တစ်ခုခုရရှိသူဖြစ်ရမည်၊ (ဘွဲ့ လက်မှတ်မူရင်း တင်ပြရမည်)

(ဂ)  ၃၀-၁၁-၂၀၂၆ ရက်နေ့တွင် အသက်(၃၅)နှစ်ထက်မကြီးသူ (ပြည်သူ့စစ်မှုထမ်းတာဝန် ကျေပွန်စွာထမ်းဆောင်ပြီး ပုံစံ-၁၂ လက်မှတ်မူရင်း တင်ပြနိုင်သူဖြစ်ပါက အသက် (၃၈)နှစ်ထက်မကြီးသူ) ဖြစ်ရမည်၊ နိုင်ငံ့ဝန်ထမ်းဖြစ်ပါက သက်ဆိုင်ရာ ဌာနအကြီး အမှူး၏ ခွင့်ပြုချက် တင်ပြရမည်၊

(ဃ)  အစိုးရဌာနတစ်ခုခု၏ ဝန်ထမ်းအဖြစ်မှ ထုတ်ပစ်ခြင်း(Dismissal)၊ ရာထူးမှထုတ်ပယ် ခြင်း (Removal)၊ အမည်မည်းစာရင်း(Black List) စာရင်းရေးသွင်းခြင်းခံရသူများ လျှောက်ထားခွင့်မရှိပါ၊ 

(င)   ကျန်းမာရေးကောင်းမွန်ပြီး ကိုယ်အင်္ဂါပြည့်စုံသန်စွမ်း၍ ဒေသမရွေးတာဝန်ထမ်းဆောင် နိုင်သူဖြစ်ရမည်၊

(စ)   ပြစ်မှု/ပြစ်ဒဏ်ကင်းရှင်းကြောင်း သက်ဆိုင်ရာရဲစခန်းမှ ထောက်ခံချက်အား တင်ပြနိုင် သူဖြစ်ရမည်၊

(ဆ)  သစ်တောဦးစီးဌာနတွင် အနည်းဆုံး(၅)နှစ် တာဝန်ထမ်းဆောင်နိုင်သူဖြစ်ရမည်။

၃။       လျှောက်လွှာကို ကိုယ်ရေးမှတ်တမ်းအကျဉ်းနှင့်အတူအောက်ပါ အထောက်အထားများ (pdf  format ဖြင့် scan ဖတ်၍ ) ပူးတွဲလျက် forestadmdev@gmail.comသို့Online စနစ်ဖြင့်ဖြစ်စေ၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ စီမံခန့်ခွဲရေးဌာနသို့ လူကိုယ်တိုင်ဖြစ်စေ ၃၀-၁၁-၂၀၂၆ ရက်နေ့ နောက်ဆုံးထား၍ လျှောက်ထားရမည်-

(က)    ဘွဲ့လက်မှတ်၊ တက္ကသိုလ်ဝင်တန်းအောင်လက်မှတ်မိတ္တူ (စစ်ဆေးသည့်အခါမူရင်း တင်ပြနိုင်ရမည်)၊

(ခ)    လျှောက်လွှာပိတ်ရက်မတိုင်မီ (၆)လအတွင်း သက်ဆိုင်ရာနယ် မြေရဲစခန်းမှထောက်ခံထားသည့်ပြစ်မှု/မှုခင်း ကင်းရှင်းကြောင်း ထောက်ခံချက်မူရင်း၊

(ဂ) ပြင်ပမှလျှောက်ထားသူများအတွက်အလုပ်သမားမှတ်ပုံတင်ကတ်ပြားမိတ္တူ (စစ်ဆေးသည့်အခါတွင် မူရင်း တင်ပြနိုင်ရမည်)၊

(ဃ)    နိုင်ငံ့ဝန်ထမ်းဖြစ်လျှင်သက်ဆိုင်ရာဝန်ကြီးဌာန၏ခွင့်ပြုချက်မူရင်း။

၄။        ရေးဖြေစာမေးပွဲဖြေဆိုမည့်နေရာ၊စာမေးပွဲဖြေဆိုရန်အတွက် လျှောက်ထားသူတစ်ဦးချင်းစီ ၏ စာမေးပွဲခုံနံပါတ်နှင့် လူတွေ့စစ်ဆေးခြင်း ဆောင်ရွက်မည့်နေ့ရက်၊ အချိန်၊ နေရာတို့ကို သစ်တော ဦးစီးဌာန၏ Website-www.forestdepartment.gov.mmတွင် ကြေညာပေးသွားမည်ဖြစ်ပါသည်။

၅။       စည်းကမ်းနှင့်မကိုက်ညီသော (သို့မဟုတ်) မပြည့်စုံသော (သို့မဟုတ်) သတ်မှတ်ရက်ထက် ကျော်လွန်မှ ရောက်ရှိလာသော လျှောက်လွှာများကို လက်ခံစဉ်းစားမည်မဟုတ်ပါ။

၆။       အသေးစိတ်သတ်မှတ်ချက်များနှင့် လျှောက်လွှာပုံစံများအား သစ်တောဦးစီးဌာန၏ Website - www.forestdepartment.gov.mm တွင်ဝင်ရောက်ကြည့်ရှုနိုင်ပါသည်။ စုံစမ်းမေးမြန်းလိုပါကသစ်တောဦးစီးဌာန၊တယ်လီဖုန်းအမှတ်- ၀၆၇-၃၄၀၅၁၈၀ သို့ ဆက်သွယ်မေးမြန်းနိုင်ပြီး လျှောက်လွှာပုံစံများကို https://tinyurl.com/n96yaxc8 တွင် download ရယူနိုင်ပါသည်။

 

 

Published Date