တနင်္သာရီတိုင်းဒေသကြီး၊မြိတ်ခရိုင်၊မြိတ်မြို့နယ်၊သစ်တောဦးစီးဌာနမှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲအခမ်းအနားကို(၁၃.၁၁.၂၀၂၆) ရက်နေ့ နံနက်(၀၉း၃၀)နာရီအချိန်၌ အ.ထ.က(၅)၊ မြိတ်မြို့တွင်ကျင်းပဆောင်ရွက်ခဲ့ရာ ဦးစီးအရာရှိ ဦးဝေယံမြင့်ချိုမှ သစ်တောထိန်းသိမ်းရေးဆိုင်ရာအကြောင်းအရာများ၊ တောအုပ်ကြီး ဦးဖုန်းမြင့်မှ တောမီးကာကွယ်ရေး အကြောင်းအရာများနှင့် တောအုပ်ကြီး ဦးခင်မောင်ဆန်းမှ မီးခိုးမြူငွေ့လျှော့ချရေးဆိုင်ရာ အကြောင်းအရာများအား အသိပညာပေးဟောပြောခြင်းဆောင်ရွက်ခဲ့ပါသည်။ အခမ်းအနားတွင် သစ်တောဝန်ထမ်းများ၊ဆရာ/ဆရာမများ၊ ကျောင်းသား/ကျောင်းသူများ ကျား(၈၄)ဦး၊မ(၉၁)ဦး၊ စုစုပေါင်း(၁၇၅)ဦးတက်ရောက်ခဲ့ပါသည်။ ဆက်လက်၍ ဆရာ/ဆရာမများနှင့် ကျောင်းသား/ကျောင်းသူများအား သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာလက်ကမ်းစာစောင်များဖြန့်ဝေခဲ့ပါကြောင်းသတင်းရရှိသည်။
