တနင်္သာရီတိုင်းဒေသကြီး၊ သစ်တောဦးစီးဌာန ၊ကျွန်းစုမြို့နယ်မှ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေးဟောပြောပွဲ (မြို့နယ်အဆင့်)ကျင်းပ
တနင်္သာရီတိုင်းဒေသကြီး၊ သစ်တောဦးစီးဌာန ၊ကျွန်းစုမြို့ နယ်မှ သစ်တောထိန်းသိမ်းရေး၊တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ မြို့နယ်အဆင့် အသိပညာပေးဟောပြောပွဲ အခမ်းအနားကို (၁၀-၁၁-၂၀၂၆)ရက်နေ့၊ နံနက် (၀၉:၁၀)နာရီ၌ ကျွန်းစုမြို့နယ်၊ ကမ်းကြီးကျေးရွာအုပ်စု၊ကဘင်းချောင်းကျေးရွာ ၊ကဘင်းချောင်းအ.ထ.က(ခွဲ)စာသင်ကျောင်းခန်းမတွင် ကျင်းပဆောင်ရွက်ခဲ့ရာ ၊ကမ်းကြီးကျေးရွာအုပ်စုအုပ်ချုပ်ရေးမှူး ဦးအေးသိန်း၊ကဘင်းချောင်းကျေးရွာတာဝန်ခံဦးချစ်လှ၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊လူမှုဝန်ထမ်းဦစီးဌာန၊မီးသတ်ဦးစီးဌာနမှမြို့နယ်ဦးစီးမှူးများ၊ကျောင်သူကျောင်းသားနှင့်ဆရာမများဒေသခံပြည်သူများနှင့် သစ်တောဦးစီးဌာနဝန်ထမ်း(၃)ဦး၊အမျိုးသား (၆၅)ဦး၊ အမျိုးသမီး (၁၀၅)ဦး၊စုစုပေါင်း(၁၇၀)ဦးတက်ရောက်ခဲ့ကြပါသည်။အခမ်းအနားတွင် ကျွန်းစုမြို့နယ်သစ်တောဦးဌာန၊တောအုပ်ဦးဇော်ကိုလတ်မှ သစ်တောထိန်းသိမ်းရေး၊တောမီး ကာကွယ်ရေးနှင့်မီးခိုးမြူငွေ့ လျော့ချရေးဆိုင်ရာ အသိပညာပေးဟောပြောခြင်း၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊မြို့နယ်ဦးစီးမှူးမှ အပူဒဏ်ကာကွယ်ရေးအသိပညာပေးဟောပြောခြင်း၊လူမှုဝန်ထမ်းဦးစီးဌာနမြို့နယ်ဦးစီးမှူးမှ ခလေးသူငယ် အခွင့်အရေးများဆိုင်ရာ ဥပဒေ အကြောင်းသိကောင်းစရာဟောပြောခြင်း၊မီးသတ်ဦးစီးဌာန၊မြို့ နယ်ဦးစီးမှူးမှမီးဘေးအန္တရာယ်ကာကွယ်ကွယ်ရေးအသိပညာပေးခြင်းအကြောင်း အရာများကိုတက်ရောက်လာသူများသို့အသိပညာပေး ဆွေးနွေးဟောပြောခဲ့ပါသည်။အဆိုပါဟောပြောပွဲတွင်တက်ရောက်လာသူများအား အယ်နီညိုအန္တရာယ်ကြိုတင်ကာကွယ်ရေးလမ်းညွန်လက်ကမ်းစာစောင်များဖြန့်ဝေပေးခြင်း၊ကျောင်းစာကြည့်တိုက်သို့သစ်တောကြေးမုံများပေးအပ်လှူဒါန်းခြင်း၊မီးခိုးမြူ ငွေ့လျော့ချရေးဆိုင်ရာ Video Clipပြသခြင်း၊သိရှိလိုသည်များအပေါ် ပြန်လည်ရှင်းလင်းဖြေကြားခြင်း၊ ဆောင်ရွက်ခဲ့ပါကြောင်း သတင်းရရှိသည်။