အသေးစားနှင့်အလတ်စား ရွှေသတ္တုတူးဖော်မှုလုပ်ငန်းများ၊ အသက်မွေးဝမ်းကျောင်း လုပ်ငန်းရွေးချယ်မှုနှင့် သစ်တောများအပေါ် အကျိုးသက်ရောက်မှု

တရားမဝင် ရွှေသတ္တု တူးဖော်မှုသည် သစ်တောပြုန်းတီးမှုအကြောင်းရင်းတခုဖြစ်ပြီး ပြဒါးစွန့်ထုတ်ရာ အရင်းအမြစ် တစ်ခုလည်းဖြစ်သည်။ တရားဥပဒေ စိုးမိုးမှုအောင် ဆောင် ရွက်ခြင်းနှင့် အခြားအသက်မွေးမှုလုပ်ငန်းများ ဖော်ဆောင်ခြင်းတို့ဖြင့် တရားမဝင် ရွှေသတ္တု တူးဖော်မှုကို ထိန်းချုပ်နိုင်အောင် ဆောင်ရွက်လေ့ရှိသည်။ ယခုသုတေသန လုပ်ငန်းကို စစ်ကိုင်းတိုင်းဒေသကြီးအထက်ပိုင်းရှိ ရွှေမှော်များတွင် ဆောင်ရွက်ခဲ့ပြီး တရားမဝင် ရွှေ သတ္တု တူးဖော်မှုကို ဖြစ်စေသည့် အကြောင်းရင်းများ၊ လုပ်ငန်းဆောင်ရွက်သည့် အခြေအနေ များနှင့် ထိန်းချုပ်နိုင်မည့် အခြေအနေများကို သုတေသနပြုလေ့လာခဲ့ပါသည်။ ဤသုတေ သနတွင် ရွှေတွင်းပိုင်ရှင်နှင့် ရွှေမှော်လုပ်သားများအပါအဝင် စုစုပေါင်း ၂၂၆ ဉီးအား မေးမြန်း ခဲ့ပါသည်။ ရွှေသတ္တုတူးဖော်မှု လုပ်ငန်းနှင့် စိုက်ပျိုးရေးလုပ်ငန်းသည့် ဒေသခံများ၏ စီးပွား ရေးအတွက် ရာသီအလိုက်ပြောင်း လဲဆောင်ရွက်ကြသည့် လုပ်ငန်းများဖြစ်ပြီး ရွှေလုပ်သား အများစုသည် စီးပွားရေး အခြေအနေအရ ရွှေ့ပြောင်းလာကြသူများဖြစ်ကြောင်း တွေ့ရှိရပါ သည်။ စိုက်ပျိုးရေးအခြေပြုသည့် အသက်မွေးဝမ်းကြောင်းလုပ်ငန်းများသည် တရားမဝင် ရွှေလုပ်ငန်းများကို အစားထိုးနိုင်ဖွယ် မရှိကြောင်း တွေ့ရှိရပါသည်။ ထို့ပြင် တရားမဝင် ရွှေလုပ်ငန်းများအား စစ်ဆေးခြင်းနှင့် ဖမ်းဆီးအရေးယူခြင်း လုပ်ငန်းများမှာလည်း လုံလောက်မှုမရှိ ကြောင်းတွေ့ရှိရပါသည်။ တရားမဝင်ရွှေလုပ်ငန်းများ ရပ်တန့်ရန်အတွက် စစ်ဆေးရေးနှင့် ဖမ်းဆီးရေးလုပ်ငန်းများကို ယခုထက်ကြိမ်ဖန်များစွာ ပိုမိုဆောင်ရွက်ရန် လိုအပ်ကြောင်း တွေ့ရှိရပါသည်။