ရာသီဥတုပြောင်းလဲမှုကြောင့်အပူပိုင်းဒေသရှိ ဒေသခံများအပေါ်သက်ရောက်သည့် လူမှုစီးပွားရေးအခြေအနေများကို လေ့လာခြင်း

Publication Type

Primary Document

Summary

နိုင်ငံဖွံ့ဖြိုးတိုးတက်ရေးအတွက် စိုက်ပျိုးရေးကဏ္ဍအပေါ် များစွာမှီခိုအားထားရသည့် မြန်မာနိုင်ငံအနေဖြင့် ရာသီဥတုပြောင်းလဲမှု၏ အကျိုးသက်ရောက်မှုများကြောင့် စိုက်ပျိုးရေး ကဏ္ဍ၏ဝင်ငွေရရှိမှုသည် ပိုမိုမလုံခြုံမှုဖြစ်ပေါ်လာပါသည်။ အထူးသဖြင့် လွန်ခဲ့သော ဆယ်စု နှစ် နှစ်ခု၊ သုံးခုအတွင်းကစပြီး အပူပိုင်းဒေသ၏ ရာသီဥတုအခြေအနေများ ပြောင်းလဲမှု ဖြစ် ပေါ်ခဲ့ပြီး သုတေသနတွေ့ရှိချက်များအရ အဆိုပါဖြစ်ရပ်များသည် ဒေသတွင်းရှိ စိုက်ပျိုးရေး ကဏ္ဍအပေါ်စိန်ခေါ်မှုများကြုံတွေ့ရပြီး သီးနှံထုတ်လုပ်မှုအပေါ် သက်ရောက်ခြင်းနှင့် ဝင်ငွေ လျော့နည်းမှုကို ပြသခဲ့သည်။ ထို့အပြင် ရာသီဥတုပြောင်းလဲခြင်းနှင့် ပြင်းထန်သော သဘာဝ ဘေးအန္တရာယ်ဖြစ်ရပ်များသည် ကျေးလက်ဒေသမှ မြို့ကြီးများသို့ ဒေသခံများ ပြောင်းရွှေ့ ခြင်း၏ အကြောင်းအရင်းသစ်ဖြစ်လာသည်။ အပူပိုင်းဒေသအပေါ် လေ့လာသည့် အစီရင်ခံ စာများနှင့် လေ့လာချက်များအရ ဒေသခံများအတွက် ရေရရှိနိုင်မှုသည် မိုးခေါင်ခြင်းကြောင့် အခက်အခဲတွေ့ရပြီး အိမ်ထောင်စုများ၏ လေးပုံတစ်ပုံသည် အခြေခံရေ လိုအပ်ချက်များကို မရရှိကြပါ။ စားနပ်ရိက္ခာရရှိရန် ခက်ခဲမှုနှင့် အာဟာရချို့တဲ့မှုတို့သည်လည်း အပူပိုင်းဒေသ အတွက် ဖိအားများဖြစ်သည်။ သုတေသနတွေ့ရှိချက်များအရ အပူပိုင်းဒေသတွင် ရာသီဥတု ပြောင်းလဲခြင်း၏အကျိုးသက်ရောက်မှုကြောင့် စိုက်ပျိုးရေးနှင့် ဒေသတွင်းမွေးမြူရေး ကဲ့သို့ သော အဓိကစီးပွားရေးကဏ္ဍများတွင် သိသိသာသာ ထိခိုက်မှုရှိကြောင်း တွေ့ရသည်။ ရာသီ ဥတုပြောင်းလဲမှုဆိုင်ရာ ခန့်မှန်းချက်များအရလည်း မုတ်သုံရရှိမှုပြောင်းလဲခြင်း၊ အပူချိန် မြှင့် တက်ခြင်းတို့ ပိုမိုဖြစ်ပေါ်လာနိုင်ပြီး သက်ရောက်မှုများ ဆက်လက်ကြုံတွေ့မည်ဖြစ်သည်။ အဆိုပါအချက်များသည် လူမှု့စီးပွားရေးပြဿနာများ၏ အဓိကရင်းမြစ်များဖြစ်ပြီး ဒေသတွင်း ဖွံ့ဖြိုးတိုးတက်မှုအဆင့်ကို နိမ့်ကျစေပါသည်။ သို့ဖြစ်၍ ဒေသတွင်းရာသီဥတုပြောင်းလဲမှု ဒဏ်ခံနိုင်ရည်ရှိမှုအတွက် အဆိုပါပြဿနာများကို ရင်ဆိုင်ဖြေရှင်းနိုင်မည့် ၎င်းတို့နှင့် လိုက် လျောညီထွေမှုရှိသည့် အစီအမံများကို အရေးတကြီးထည့်သွင်းစဉ်းစားသွားရန် လိုအပ်ကြောင်း တွေ့ရှိရပါသည်။