နေပြည်တော်/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ၁၈-၃-၂၀၁၉ ရက်နေ့မှ ၂၄-၃-၂၀၁၉ ရက်နေ့အထိ ပေးပို့လာ သောစာရင်းများအရ တရားမဝင် ကျွန်း(၂၁၂.၃၅၀၄)တန်၊ သစ်မာ(၁၃၉.၁၃၇၃)တန်၊ အခြား (၁၈၆.၉၀၃၆)တန်၊ စုစုပေါင်း(၅၃၈.၃၉၁၃)တန်၊ တရားခံ(၂၉)ဦး၊ ယာဉ်/ယန္တရား(၂၄)စီး ဖမ်းဆီး ရမိခဲ့ပါသည်။ ဖမ်းဆီးရမိမှုများအနက် အများဆုံးဖမ်းဆီးရမိမှုမှာ စစ်ကိုင်းတိုင်းဒေသကြီး၊ ကသာခရိုင်၊ ကသာ မြို့နယ်၊ အင်းကြီး/လှေဘိုဘိနယ်၊ မယ်ငိုရွာ အနောက်ဘက်(၂)မိုင်ခန့်အကွာမှ တရားမဝင် ကျွန်းသစ်(၁၉)လုံး (၂.၄၉၆၀)တန်၊ အခြားသစ်(၃၈၁)လုံး (၂၅.၁၉၀၈)တန်၊ အင်ဂျင်(၁)လုံးတို့အား ပိုင်ရှင်မဲ့ ဖမ်းဆီးရမိခဲ့ပါသည်။