AFoCO စီမံကိန်းအဆိုပြုလွှာရေးဆွဲခြင်းဆိုင်ရာသင်တန်းဖွင့်ပွဲအခမ်းအနားကိုကျင်းပ
ရန်ကုန်တိုင်းဒေသကြီး၊ မှော်ဘီမြို့နယ်ရှိ အာရှဒေသအဆင့် သစ်တောကဏ္ဍပူးပေါင်းဆောင်ရွက်မှု လေ့ကျင့်ပညာပေးရေးသင်တန်းကျောင်းတွင် အာရှဒေသသစ်တောကဏ္ဍ ပူးပေါင်းဆောင်ရွက်မှုအဖွဲ့ (AFoCO)၏ အဖွဲ့ဝင်နိုင်ငံများအတွက် သင်တန်းများဖွင့်လှစ်ခြင်း၊ အလုပ်ရုံဆွေးနွေးပွဲများ ကျင်းပ ခြင်း၊ သုတေသနလုပ်ငန်းများဆောင်ရွက်ခြင်း ၊ လူ့စွမ်းအားအရင်းအမြစ် မြှင့််တင်သည့် လုပ်ငန်းများ ဆောင်ရွက်လျက်ရှိပါသည်။၈-၄-၂၀၁၉ ရက်နေ့ နံနက် (၉:၀၀)နာရီတွင် အဆိုပါသင်တန်းကျောင်း၌ “AFoCO စီမံကိန်း အဆိုပြုလွှာ ရေးဆွဲခြင်းဆိုင်ရာသင်တန်း” ဖွင့်ပွဲအခမ်းအနားကို ကျင်းပခဲ့ရာ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာညီညီကျော် တက်ရောက်၍ အဖွင့် အမှာစကား ပြောကြားခဲ့ပါသည်။အဆိုပါသင်တန်းကို AFoCO စီမံကိန်းများကို သိမြင်နားလည်မှုမြင့်တက်လာစေရန်၊ စီမံကိန်း ရေးဆွဲဖော်ထုတ်ခြင်း လုပ်ငန်းစဉ်များကို လေ့လာသိရှိနိုင်စေရန်နှင့် AFoCO ၏ မဟာဗျူဟာနှင့် စီမံကိန်းလက်စွဲများနှင့််အညီ သင်တန်းသားများ၏ စီမံကိန်းနှင့် အဆိုပြုလွှာရေးဆွဲခြင်းဆိုင်ရာ စွမ်းဆောင်ရည်များကို မြှင့်တင်ပေးရန်ရည်ရွယ်လျက် ဖွင့်လှစ်ခဲ့ခြင်းဖြစ်ပါသည်။ အဆိုပါသင်တန်းသို့ အဖွဲ့ဝင်နိုင်ငံများဖြစ်သည့် ဘူတန်၊ ကမ္ဘောဒီးယား၊ အင်ဒိုနီးရှား၊ ကာဇက်စတန်၊ လာအို၊ မွန်ဂိုလီးယား၊ မြန်မာ၊ ဖိလစ်ပိုင်၊ ထိုင်း၊ တီမောနှင့် ဗီယက်နမ်နိုင်ငံတို့မှ သင်တန်းသား(၂၄)ဦး တက်ရောက်လျက်ရှိပြီး၊ သင်တန်းကို ၈- ၄-၂၀၁၉ မှ ၁၂- ၄-၂၀၁၉ နေ့အထိ (၅)ရက်တာ ကျင်းပသွားမည်ဖြစ်ပါသည်။
![](https://www.forestdepartment.gov.mm/sites/default/files/styles/300x194/public/detail/8_29.jpg?itok=lw8S0-GT)
![](https://www.forestdepartment.gov.mm/sites/default/files/styles/300x194/public/detail/11_23.jpg?itok=ExNylmth)
![](https://www.forestdepartment.gov.mm/sites/default/files/styles/300x194/public/detail/15_9.jpg?itok=fw8SpGMv)
![](https://www.forestdepartment.gov.mm/sites/default/files/styles/300x194/public/detail/16_6.jpg?itok=77-aev2r)