ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၂၂-၅-၂၀၁၉ ရက်နေ့တွင် ဧရာဝတီတိုင်းဒေသကြီး၊ သစ်တောဦးစီးဌာန ညွှန်ကြားရေးမှူး ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ရေကြည်မြို့နယ်၊ ကျောင်းကုန်း-သုံးဂွလမ်းဆုံ၊ ဆပ်ကွင်းကျေးရွာအုပ်စု၊ သုံးဂွကျေးရွာအနီး မိုင်တိုင်အမှတ် (၇/၆)နှင့် (၇/၇)ကြားတွင် မော်တော်ယာဉ်အမှတ်-5D/1533 Nissan Diesel (12)ဘီးခေါင်းပြာပေါ်မှ တရားမဝင် တောင်သရက်ခွဲသား (၅၃) ချောင်း (၁၁.၀၃၁၂)တန်နှင့် အတူ တရားခံ(၂)ဦးအား ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာ ရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။