၁၀-၈-၂၀၁၉ ရက်နေ့တွင် မကွေးတိုင်းဒေသကြီး၊ ဂန့်ဂေါခရိုင်၊ ဂန့်ဂေါမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများအဖွဲ့၊ မြန်မာနိုင်ငံရဲတပ်ဖွဲ့ဝင်များ၊ ရပ်ကွက် အုပ်ချုပ်ရေးအဖွဲ့ဝင်များ ပါဝင်သော ပူးပေါင်းအဖွဲ့သည် ဂန့်ဂေါမြို့နယ်၊ ဖုန်းဆိုးကျယ်ရွာအရှေ့မြောက်ဘက် (၂)ဖာလုံခန့်အကွာ၊ ဖုန်းဆိုးကျယ်နှင့် ဘုရားသုံးဆူသွားလမ်း ယာဉ်အမှတ်၊ ထ/၅၇၁၃ (Hino ခေါင်းစိမ်း (၆)ဘီး)ပေါ်မှ တရားမဝင် ကျွန်းခွဲသား (၄၀)ချောင်း (၄.၉၉၆၂)တန်အား ဖမ်းဆီးရမိခဲ့ပြီး ဆက်စပ် ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။