ဖောင်းပြင်မြို့နယ်၊ ဖောင်းပြင်-ပင်လည်ဘူးသွားကားလမ်းတွင် တရားမဝင် ပိတောက်ခွဲသားဆိုဒ်စုံများ ဖမ်းဆီးရမိ
ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၁-၉-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ မော်လိုက်ခရိုင်၊ ဖောင်းပြင်မြို့နယ်၊ သစ်တောဦးစီးဌာနတို့မှ ဦးစီးအရာရှိနှင့် ကသာခရိုင်၊ ပင်လည်ဘူးမြို့နယ်၊ သစ်တောဦးစီးဌာနမှ ဦးစီးအရာရှိတို့ပါဝင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ဖောင်းပြင်မြို့နယ်၊ ဖောင်းပြင်-ပင်လည်ဘူးသွားကားလမ်း၊ လက်ယာဘက်ခြမ်း (၆)ဖာလုံခန့်နေရာ၌ မော်တော်ယာဉ်(၂)စီး၊ ထွန်စက်(၁)စီးနှင့်အတူ တရားမဝင်ပိတောက်ခွဲသားဆိုဒ်စုံ (၁၀၉) ချောင်း (၂.၆၉၉၀)တန်၊ (၂၅)ကောင်အင်ဂျင်(၁)လုံးပါ သစ်စက်ဆက်စပ်ပစ္စည်းများနှင့်အတူ တရားခံ(၁၀)ဦးအား ဖမ်းဆီးရမိခဲ့ပြီး တရားခံများအားဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။
![](https://www.forestdepartment.gov.mm/sites/default/files/styles/300x194/public/detail/70174033_2460565647512331_1932020991483969536_n.jpg?itok=NfEWDbOz)
![](https://www.forestdepartment.gov.mm/sites/default/files/styles/300x194/public/detail/71053755_2460565537512342_1328400923289976832_n.jpg?itok=8Ib3XmFy)
![](https://www.forestdepartment.gov.mm/sites/default/files/styles/300x194/public/detail/70767032_2460565577512338_3121785447110410240_n.jpg?itok=R9bmjnN4)