ဟားခါးမြို့နယ်အတွင်း တရားမဝင်သစ်များ ဖမ်းဆီးရမိ
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်း ပေးပို့ချက်အရ ၂၇-၄-၂၀၂၀ ရက်နေ့တွင် ချင်းပြည်နယ်၊ ဟားခါးခရိုင်၊ ဟားခါးမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ၊ ကျေးရွာ အုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ဟားခါးမြို့နယ်၊ ခင်ရန်းကြိုးပြင်ကာကွယ်တော အကွက်(၁၃)၊ ဟားခါး-မှန်တော-ဟာတာကားလမ်းသစ်၊ ဆားချောင်းနှင့် ရေငံချောင်းအနီး တဝိုက်နေရာမှ တရားမဝင် ကျွန်း/အင်ကြင်း သစ်/ခွဲသား/ရောင်ခြမ်း (၅၄)လုံး/ချောင်း/ခြမ်း (၁၃.၄၀၇၆)တန်အား ချိန်းဆော(၁)လက်နှင့်အတူ ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
![](https://www.forestdepartment.gov.mm/sites/default/files/styles/300x194/public/detail/95343607_2665872130315014_2831112806525304832_o.jpg?itok=QIcb1jI6)
![](https://www.forestdepartment.gov.mm/sites/default/files/styles/300x194/public/detail/95389847_2665872090315018_2814952077246070784_o.jpg?itok=jJhL4OPG)