၁၁-၅-၂၀၂၀ ရက်နေ့တွင် ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ပုသိမ်မြို့နယ်၊ ဓားသွေးကျောက်ကျေးရွာအနီးတွင် မော်တော်ယာဉ်အမှတ်မပါ မှန်ထောင်အမျိုးအစား(၆)ဘီးယာဉ်ပေါ်မှ တရားမဝင်တောင်သရက်ခွဲသား (၄၀)ချောင်း (၈.၉၆၆၀)တန်အား ဖမ်းဆီးရမိခဲ့ပြီး တရားမဝင်သစ်နှင့် ယာဉ်အား ရွာဟောင်းကြီးဘိနယ်သစ်တောစခန်းတွင် သိမ်းဆည်းထား ရှိပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။