ကသာမြို့နယ်အတွင်း တရားမဝင်သစ်များဖမ်းဆီးရမိ
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁၉-၆-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကသာခရိုင်၊ ကသာမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင် များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ကသာမြို့နယ်၊ ချောင်းဝကျေးရွာ၊ အနောက်တောင်ဘက်(၂)မိုင်ခန့်အကွာ၊ ကသာ-ဗန်းမော်ကားလမ်းမိုင်တိုင် (၂၃၊ ၂၄)ရှိ နေအိမ်ခြံဝင်း အတွင်းနှင့် အနီးဝန်းကျင်နေရာများ၌၊ တရားမဝင်ကျွန်း/ကညင်သစ်/ခွဲသား(၁၅၁)လုံး/ခွဲသား (၁၀)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအားဥပဒေနှင့်အညီ ထိရောက်စွာအရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက်ရှိပါသည်။
![](https://www.forestdepartment.gov.mm/sites/default/files/styles/300x194/public/detail/2_247.jpg?itok=JSF1iMPl)
![](https://www.forestdepartment.gov.mm/sites/default/files/styles/300x194/public/detail/105580310_2708675062701387_1247013148379832508_o.jpg?itok=CN9-95-a)