အလောင်းတော်ကဿပအမျိုးသားဥယျာဉ်အတွင်း တရားမဝင်သစ်များ ဖမ်းဆီးရမိ
၃၀-၆-၂၀၂၀ ရက်နေ့တွင် အလောင်းတော်ကဿပအမျိုးသားဥယျာဉ်မှ ဝန်ထမ်းများ၊ ဒေသခံကင်းသားများ၊ ဆင်ဦးစီးများပါဝင်သည့် ဥယျာဉ်ထိန်းသိမ်းရေးအဖွဲ့မှ ဥယျာဉ်ဧရိယာအတွင်း ကင်းလှည့်စစ်ဆေးခြင်း ပုခက်ချောင်းရေဝေဒေသနေရာပတ်ဝန်းကျင်ဧရိယာတစ်ဝိုက်တွင် ခုတ်လှဲထားသော ပျဉ်းကတိုးသစ်ပင်(၁၆)ပင်နှင့် သစ်ယာသစ်ပင်(၄)ပင်စုစုပေါင်း (၂၀)ပင်တို့အား ခုတ်လှဲထားသည့် ငုတ်ရင်းနေရာတို့အတိုင်း ရှာဖွေတွေ့ရှိခဲ့သဖြင့် ၎င်းင်းသစ်ပင်တို့အား (၁၈ပေ)အရှည် (၁၅ပေ)အရှည်၊ (၁၂ပေ)အရှည်နှင့် (၉ပေ)အရှည်ရရှိနိုင်သည့်အနေအထားဖြင့် လုံးပတ်အရွယ်အစားတိုင်းတားခဲ့ရာ ပျဉ်းကတိုးသစ်(၃၀)လုံး၊ သစ်ယာသစ်(၆)လုံး စုစုပေါင်း (၃၆)လုံး (၂၀)တန်အား ဖမ်းဆီးစဉ် တစ်ဦးတစ်ယောက်မျှတွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
![](https://www.forestdepartment.gov.mm/sites/default/files/styles/300x194/public/detail/106504737_2718146498420910_3474085205887928198_n.jpg?itok=AM-2Hlh3)
![](https://www.forestdepartment.gov.mm/sites/default/files/styles/300x194/public/detail/106421375_2718146518420908_5809552041892497463_n_0.jpg?itok=biUAyj6a)