၃၁-၇-၂၀၂၀ ရက်နေ့မှ ၁-၈-၂၀၂၀ ရက်နေ့အထိ စစ်ကိုင်းတိုင်းဒေသကြီး၊ ကသာခရိုင်၊ ဝန်းသိုမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဝန်းသိုမြို့နယ်၊ တပ်လွင်ကြိုးဝိုင်း (၇၉)နေရာနှင့် ညောင်ပင်သာကြိုးပြင် ကာကွယ်တောနေရာတို့မှ တရားမဝင် ကျွန်း သစ်/ခွဲသား (၉၆)လုံး/ချောင်း (၁၂)တန်၊ ချန်ချိုင်း(၂၅)ကောင် အင်ဂျင် (၁)လုံး၊ လွှဝိုင်း (၁)ဝိုင်းနှင့်ဆက်စပ်ပစ္စည်းများအား ဖမ်းဆီးစဉ် တစ်ဦးတစ်ယောက်မျှ တွေ့ရှိခြင်းမရှိဘဲ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။