၅-၂-၂၀၂၅ ရက်နေ့ (၁၅:၃၀)နာရီအချိန်တွင် မိတ္ထီလာမြို့နယ်၊ မွေအုပ်စု၊ မွေကျေးရွာ၊ဘုန်းကြီးကျောင်းဓမ္မာရုံတွင် သစ်တောထိန်းသိမ်းရေး၊ ရေသယံဇာတထိန်းသိမ်းရေးနှင့်မီးခိုးမြူငွေ့လျော့ချရေးဆိုင်ရာ အသိပညာပေးဟောပြောပွဲ ကျင်းပပြလုပ်ခဲ့ရာ ဆရာ/ဆရာမ၊ ကျောင်းသား/သူ (၅၀)ဦး၊ မွေကျေးရွာအုပ်ချုပ်ရေးမှူးနှင့် ရွာသူ/သား (၆၃)ဦး၊ စုစုပေါင်း(၁၁၃)ဦးတက်ရောက်ခဲ့ကြပါသည်။ အခမ်းအနားတွင် မိတ္ထီလာမြို့နယ်၊ သစ်တောဦးစီးဌာန၊ ဦးစီးအရာရှိ ဦးကိုကိုမောင်က သစ်တောထိန်းသိမ်းရေး၊ ရေသယံဇာတထိန်းသိမ်းရေး၊ မီးခိုးမြူငွေ့လျော့ချရေးနှင့် သဘာဝဘေးအန္တရာယ်ဆိုင်ရာ သိကောင်းစရာများကို အသိပညာပေးဆွေးနွေးဟောပြောဆောင်ရွက်ခဲ့ပြီး တက်ရောက်လာသူများမှ သိရှိလိုသည့် မေးမြန်းမှုများကို ပြန်လည်ဖြေကြားဆောင်ရွက်ခဲ့ပါသည်။