အပြည်ပြည်ဆိုင်ရာသစ်တောများနေ့ အခမ်းအနားအား ကယားပြည်နယ်ခန်းမ၊ လွိုင်ကော်မြို့တွင် ၂၁.၃.၂၀၂၅ ရက် (၁၀:၃၀)အချိန်တွင် ကျင်းပခဲ့ရာ ကယားပြည်နယ်အစိုးရအဖွဲ့ ဝန်ကြီးချုပ်၊ ဒ.က.စမှူး၊ တရားသူကြီးချုပ်နှင့် အစိုးရအဖွဲ့ဝင်ဝန်ကြီးများ၊ ပြည်နယ်၊ ခရိုင်၊ မြို့နယ် အဆင့်ဌာနဆိုင်ရာများ၊ လုပ်ငန်းရှင်များပါဝင်သည့် စုပေါင်းအင်အား (၁၅၉)ဦးဖြင့်ကျင်းပဆောင်ရွက်ခဲ့ပါသည်။ အခမ်းအနားတွင် ကယားပြည်နယ်ဝန်ကြီးချုပ်မှ မိန့်ခွန်းပြောကြားခြင်း၊ အပြည်ပြည်ဆိုင်ရာသစ်တောများနေ့ video clip ပြသခြင်း၊ မှတ်တမ်းတင်ဓါတ်ပုံရိုက်ကူးခြင်းဆောင်ရွက်ခဲ့ပါသည်။ ထို့နောက် ဝန်ကြီးချုပ်နှင့်တကွတက်ရောက်လာသည့် ဧည့်သည်တော်ကြီးများမှ ခင်းကျင်းပြသထားသည့် ပိုစတာများအား လှည့်လှည်ကြည့်ရှုရာ ကယားပြည်နယ် သစ်တောဦးစီးဌာန ညွှန်ကြားရေးမှူးမှ မေးမြန်းသည်များကို ရှင်းလင်းဖြေကြားခြင်းများ ဆောင်ရွက်ခဲ့ပါကြောင်း သိရှိရပါသည်။