သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ ဒုတိယ ညွှန်ကြားရေးမှူးချုပ်၊ (မူဝါဒနှင့် စီမံကိန်း) ဦးဖေချစ်မှ ပြည်ထောင်စုဝန်ကြီး၏ ဒီဇင်ဘာလကုန် ဧရာဝတီတိုင်းဒေသကြီး၊ (MSME) လုပ်ငန်းရှင်များနှင့် တွေ့ဆုံမှု ခရီးစဉ်၌ ဌာနမှ ဆောင်ရွက်သည့် လုပ်ငန်းများ၊ ပုဂ္ဂလိကမှ ဆောင်ရွက်သည့်လုပ်ငန်းများနှင့် ပတ်သက်၍ စိုက်ခင်းများ အောင်မြင်မှု အလွန်ကောင်းမွန်နေသည်ကိုတွေ့ရှိရသဖြင့် အလွန်ကျေနပ်ရပါကြောင်းနှင့် ဌာနနှင့်ပူးပေါင်းဆောင် ရွက်သည့်လုပ်ငန်းရှင်များနှင့် ဝန်ထမ်းများအားလည်း အထူးပင်ကျေးဇူးတင်ရှိပါကြောင်း၊ ကြိမ်၊ ဝါး လုပ်ငန်းရှင်များ၊ ပုဂ္ဂလိကလုပ်ငန်းရှင်များနှင့်တွေ့ဆုံဆွေးနွေးရန် လမ်းညွှန်မှာကြားချက်အရ လာ ရောက် တွေ့ဆုံ ဆွေးနွေးရခြင်းဖြစ်ပါသည်။
ယခုလာရောက်ရခြင်းမှာ လုပ်ငန်းရှင်များမှ ချပြသည့်ကိစ္စရပ်များအား သေချာစဉ်းစား၍ ဌာန အနေဖြင့် ဆောင်ရွက်နိုင်သည့် အခွင့်အလမ်းများအား စနစ်တကျ ဆွေးနွေးဆောင်ရွက်၍ Bussiness to Bussiness ဆောင်ရွက်သွားရမည် ဖြစ်ပါကြောင်း၊ ရင်းနှီးမြှပ်နှံမှုနှင့် ‌ရေရှည် ဖြစ်ပေါ်လာမည့် အကြောင်းတရားများ၊ အကျိုးကျေးဇူးများအပေါ် သုံးသပ်ခြင်း၊ တစ်နိုင်ငံလုံး၏ သစ်တောဖုံးလွှမ်းမှု လျှော့နည်းကျဆင်းလာသည်နှင့်အမျှ သစ်တော၏အရည်အသွေးအတန်းအစား များလည်း ကျဆင်းလာပါကြောင်း၊ သစ်တောဦးစီးဌာနအနေဖြင့် သစ်တောစီမံအုပ်ချုပ် လုပ်ကိုင်မှု အရ နှစ်စဉ်တိုးတက် လာသည့် အတိုးများကိုသာ ထုတ်လုပ်ပါကြောင်း၊ လူဦးရေတိုးတက် များပြားလာသည်နှင့်အမျှ လိုအပ်ချက်များပြားလာပါကြောင်း၊ သစ်တောဦးစီးဌာန အတွက် တရား မဝင်သစ်ထုတ်လုပ်မှုများသည် အဓိကအတားအဆီးတစ်ခုဖြစ်ပါကြောင်း၊ တရားမဝင်သစ်ခိုးထုတ်မှု များကြောင့် တန်ဖိုးရှိ အပင်များလျော့နည်းလာပြီး တန်ဖိုးမရှိသောအပင်များသာ များပြားလာခြင်း၊ ထင်း၊ မီးသွေးများအား ဒေသလိုအပ်ချက်အရ လျာထားချက်ဖြင့်ခွင့်ပြုထားပြီးဖြစ်သလို လျာထား ချက်ပြင်ပ ဆောင်ရွက်မှု များလည်းရှိပါကြောင်း၊ သစ်တောဦးစီးဌာနအနေဖြင့် မြန်မာ့ရွေးချယ် ခုတ်လှဲခြင်းနည်းစနစ်ဖြင့် သစ်ထုတ်ခြင်း လုပ်ငန်းဆောင်ရွက်ပါကြောင်း၊ လူဦးရေတိုးတက်များပြား လာခြင်း၊ လိုအပ်ချက်များ များပြားလာခြင်း၊ ဖွံ့ဖြိုးတိုးတက်လာခြင်း၊ ကုန်ကြမ်းများလိုအပ်ခြင်းများ အပေါ်မြန်မာ့သစ်လုပ်ငန်းနှင့် သစ်တောဦးစီးဌာနတို့မှ ဖြည့်ဆည်းဆောင်ရွက်ပေးနိုင်ခြင်းမရှိသည့် အခါ လိုအပ်ချက်အရ ပြည်သူပြည်သားများအားလုံးသည် စီးပွားရေးအခွင့်အလမ်းနည်းပါးလာသည့် အတွက် နည်းမျိုးစုံဖြင့် လုပ်ကိုင်လာခြင်း၊ ရွေးချယ်စရာများ နည်းပါးလာခြင်း၊ ဥပမာ - သစ်နှင့် သစ်တောထွက်ပစ္စည်းတွင် သစ်ကိုလုပ်ကိုင်ဆောင်ရွက်မည်ဆိုပါက သစ်(၁)ပင် ဖြစ်လာရန်အတွက် ကြီးမြန်သစ်ပင်ဆိုလျှင် တောင် (၇)နှစ်(၈)နှစ်ခန့်၊ အုပ်စု(၁)သစ်မာ ဆိုလျှင် အနှစ်(၃၀)အထက်၊ ကျွန်းဆိုလျှင်အနစ် (၄၀) ရောက်မှသာလျှင် ရောင်းတန်းဝင် အရည်အသွေးမှီ ဖြစ်လာမည် ဖြစ်သည့်အတွက်ရင်းနှီးမြှပ်နှံမှုကုန်ကျစရိတ်များပြားလွန်းသောကြောင့် ရင်းနှီးမြှပ်နှံဆောင်ရွက်နိုင် မည်မဟုတ်ပါကြောင်း၊ သစ်နှင့် သစ်တောထွက်ပစ္စည်းအား ကြည့်မည်ဆိုပါက ဝါးနှင့် ကြိမ်ရှိပါကြောင်း၊ သဘာဝဝါးတောများလည်း ပေါများစွာရှိပါကြောင်း၊ အဆိုပါဝါးတောများအား စနစ်တကျခုတ်ဆောင်ရွက်မှုရှိကြပဲ ဝါးခုတ်သား များမှ အလျဉ်းသင့်သလို လွယ်ကူစွာ စည်းကမ်းမဲ့ခုတ်ယူဆောင်ရွက်ခြင်း၊ ဝါးပြန်၊ ဝါးနုများအား ခုတ်ယူကြခြင်းများကြောင့် သဘာဝတောများအတွင်း ကောင်းမွန်သည့် သစ်ပင်များရှားပါးလာသကဲ့သို့ ဝါးတောများပါ ပျက်ဆီးလာပါကြောင်း၊ မြန်အောင်မြို့နယ်တွင် ပုဂ္ဂလိကဝါးစိုက်ခင်းများအား သစ်တောကြိုးဝိုင်း အတွင်း တည်ထောင်ဆောင်ရွက်လျက်ရှိကြောင်း၊ ၎င်းအပြင် ကော့မှူးမြို့နယ်ဘက်တွင် ပြည်သူ များမှ မိမိတို့၏ ဥယျာဉ်ခြံများအတွင်း ဝါးများအား စိုက်ပျိုးပြီး နှစ်စဉ် စနစ်တကျခုတ်ယူ ဆောင်ရွက်ခြင်းကြောင့် နှစ်များစွာကောင်းမွန်လျက်ရှိပါ‌ ကြောင်း၊ သဘာဝတောများအား (Save Of Ownership) မိမိတို့အပိုင်ဟု မသတ်မှတ်ပဲ သစ်တောဦးစီးဌာနမှ ပိုင်သည်ဟု ယူဆကာ လုပ်ကိုင်ဆောင်ရွက်နေကြပါက တစ်ချိန်ကျလျှင် မိမိ တို့သာ ခံစားရမည်ဖြစ်ကြောင်း၊ သစ်တောဦးစီးဌာနမှ ပိုင်ဆိုင်ခြင်းမဟုတ်ပါကြောင်း၊ သစ်တော ဝန်ထမ်းများအနေဖြင့်လည်း ဘာတစ်ခုမျှ သုံးစွဲမှု မရှိပါကြောင်း၊ ဒေသခံပြည်သူများ၊ အနီးပတ်ဝန်း ကျင်ရှိသူများ၊ စီးပွားရေးလုပ်ငန်းရှင်များသာ အသုံးပြုကြပါကြောင်း၊ သို့ဖြစ်ပါ၍ ဝါးစိုက်ခင်း တည်ထောင် စိုက်ပျိုးမည်ဆိုပါက စနစ်တကျ စိုက်ပျိုးရန်လိုအပ်ပါကြောင်း၊ မျှော်မှန်းချက်၊ ရည်မှန်းချက် များ ထား၍ဆောင်ရွက်ရန်၊ အိမ်နီးချင်းနိုင်ငံများမှ လုပ်ကိုင်ဆောင်ရွက်မှုများအား လေ့လာဆောင် ရွက်ရန်၊ မိမိတို့အနေဖြင့် သဘာဝတောများမှ လွယ်လွယ်ရသည့်အတွက် အလွယ်တကူလုပ်ကိုင် ဆောင်ရွက်၍ အလွယ်တကူစီမံခန့်ခွဲခြင်းများကြောင့် သဘာဝတောများပျက်စီးလာခြင်းဖြစ်ပါ ကြောင်း၊ အလုပ်လုပ်မည်ဆိုပါက သတင်းအချက်အလက် ပြည့်ပြည့်စုံစုံ ရယူဆောင်ရွက်ရန် လိုအပ်ပါကြောင်း၊ Bussiness Plan စနစ်တကျရေးဆွဲဆောင်ရွက်ရန်လိုအပ်ပါကြောင်း၊ အခြား နိုင်ငံများတွင် ဝါးတစ်ပင်လုံးမှ မျှစ်ပြီးလျှင် ဝါး၏အမြစ်အထိ လက်ဆောင်ပစ္စည်းပေးလို့ရသည်အထိ ဖန်တီးဆောင်ရွက်ကြပါကြောင်း၊ ရေကြည်မြို့နယ်သည် ကြိမ်နှင့်ပတ်သက်လျှင် Traditional Talent ရှိကြောင်း၊ ကြိမ်နှင့် ဝါးလုပ်ငန်းရှင်များအသင်းမှ Information ၊ Design ၊ နည်းပညာများ ပေး၍ လုပ်ကိုင်ဆောင်ရွက်စေခြင်းများကြောင့် ဝင်ရောက်လုပ်ကိုင်သူများမှာလည်း Knowledge များ၊ ဝင်ငွေများရရှိကြောင်း၊ Bussiness ပြုလုပ်သူများသည်လည်း အကျိုးအမြတ်ရရှိကြပါကြောင်း၊ သယ်ယူသည့် သူများမှာလည်း သယ်ယူပို့ဆောင်ခအကျိုးအမြတ်များ ရရှိကြောင်း၊ နိုင်ငံခြားအထိ တင်ပို့ရောင်းချ နိုင် ခြင်း၊ မြန်မာပြည်မှ ကြိမ်လက်မှုပစ္စည်းများသည် နိုင်ငံတကာတွင် ဆုများ ရရှိထားပါကြောင်း၊ ကြိမ်လုပ်ငန်းသည် အောင်မြင်နေပါကြောင်း၊မြန်မာနိုင်ငံတွင် ကြိမ်သည် ကချင်ပြည်နယ်တွင် ထွက်ရှိပြီး ယခင်က ခုတ်ခ(၇)ကျပ်၊ ယခုတွင် (၃၅)ကျပ်ဖြစ်လာပါကြောင်း၊ ဧရာဝတီတိုင်းအတွင်းတွင်လည်း ကြိမ်ထွက်ရှိပြီး (၂၀၂၃-၂၀၂၄) ခုနှစ်တွင် လျာထားချက် (၁၅၀၀၀၀)သာရှိပါကြောင်း၊ ကြိမ်မရှိလျှင် ကုန်ကြမ်းအတွက် မည်ကဲ့သို့ ဆက်လက်ဆောင်ရွက်မည်နည်း၊ ထိုကိစ္စများမှာ ဌာနတစ်ခုတည်း လုပ်ကိုင် ဆောင်ရွက် ၍ မရပါ ကြောင်း၊ မိမိတို့ဘာသာစဉ်းစား၍ ဆောင်ရွက်ကြရန်လိုအပ်ပါကြောင်း၊ ရေကြည်မြို့နယ် အတွင်းရှိကြိမ်၊ ဝါးလုပ်ငန်းရှင်များမှ ကြိမ်စိုက်ပျိုးရန်စိတ်ဝင်စားပါကြောင်း ပြည်ထောင်စုဝန်ကြီး အား တင်ပြခဲ့ပါကြောင်း၊ ကြိမ်စိုက်ပျိုးပြီးပါက ရောင်းချမည့်စျေးကွက်ရှိပါကြောင်း၊ စျေးကွက်တွင် မက Talent ၊ Design ရရှိရန် Technic နည်းပညာများစုဆောင်း၍ ကိရိယာများဖြင့် လွယ်ကူ အောင်ရွက်ရန်၊ ဝါးများအားလည်း မျှစ်၊ ဝါးပါကေး၊ တူ၊ ယင်းလိပ်၊ ဟိုတယ်အသုံးအဆောင် စသည်များ ပြုလုပ်၍ရပါကြောင်း၊ ဝါးနှင့် ကြိမ်စိုက်ခင်းများစိုက်ပျိုးတည်ထောင်ခြင်းအားဖြင့် ရေရှည်ကုန်ကြမ်းရရှိနိုင်မည်ဖြစ်ပါကြောင်း၊ ယုံကြည်ချက်ထား၍ လုပ်ကိုင်ဆောင်ရွက်ရန်လိုအပ် ကြောင်း၊ အမှန်တကယ် စိတ်ဝင်စား၍ လုပ်ကိုင်ဆောင်ရွက်လိုပါက လုပ်သင့်သည်ကို ချင့်ချိန် ဆုံးဖြတ်၍ သစ်တောဦးစီးဌာနမှ တစ်ဆင့် တင်ပြဆောင်ရွက်၍ မိမိအနေဖြင့်လည်း အဆင်ပြေ ချောမွေ့အောင် လုပ်ကိုင်ဆောင်ပေး မည် ဖြစ်ပါကြောင်း၊ ကြိမ်ပင်သည်နွယ်ပင်တစ်မျိုးဖြစ်ပြီး ကျွန်းပေါက်သည့်နေရာများနှင့် ယူကလစ်ပေါက်သည့်နေရာများ တွင် ကြိမ်ပင် မပေါက်ပါကြောင်း၊ ကြိမ်ပင်အား ပုဂ္ဂလိကသစ်မာ စိုက်ခင်းများဖြစ်သော မန်ဂျန်ရှား၊ ယမနေ၊ ရာဘာ စိုက်ခင်းများတွင် စိုက်ပျိုးနိုင်ပြီး လက်ခံပင်အား အနှောက်အယှက်ပေးမှုမရှိပါသောကြောင့် စိုက်ပျိုး၍ရပါကြောင်း၊ စဉ်းစားချင့်ချိန်၍ဆောင်ရွက်ရန်လိုအပ်ပါကြောင်း၊ ကြိမ်အသေးဆိုလျှင် (၅)နှစ် (၆‌)နှစ်၊ ကြိမ်အကြီး ဆိုလျှင် (၁၀)နှစ်အထက် Return ရပါကြောင်း၊ ဝါးစိုက်ခင်းဆိုလျှင် (၃)နှစ် ဆိုလျှင် ခုတ်ယူဆောင် ရွက် နိုင်ပါကြောင်း၊ -
ကြိမ်နှင့်ဝါး သည် Return မြန်သည့် သစ်တောထွက်ပစ္စည်းများဖြစ်ပါကြောင်း၊ ပုဂ္ဂလိက (သစ်မာ)စိုက်ခင်းစိုက်ပျိုးလုပ်ကိုင်သူများအနေဖြင့် လက်ရှိအချိန်တွင် သစ်တောမြေငှားရမ်းခြင်း အား ရပ်ဆိုင်းထားပါသော်လည်း ပြည်ထောင်စုဝန်ကြီး၏ ပြည်ထောင်စုခရီးစဉ်တွင် စိုက်ခင်းများ အား အောင်မြင်ဖြစ်ထွန်းအောင် အမှန်တကယ်စိုက်ပျိုးထားကြောင်း စစ်ဆေးတွေ့ရှိရခြင်းများ ကြောင့်၊ သစ်တောဦးစီးဌာန၏ စည်းမျဉ်းစည်းကမ်းများအားချမှတ်ခြင်း၊ ထိန်းသိမ်းခြင်း၊ အုပ်ချုပ်စီမံခန့်ခွဲ၍ ဖမ်းဆီးခြင်းပြုလုပ်၍ ဒုက္ခရောက်အောင်ဆောင်ရွက်မည်မဟုတ်ပါကြောင်း၊ သယ်ယူပို့ဆောင်ခြင်း ကိစ္စရပ်များ၊ ဘီလ်သက်တမ်း၊ စသည့်ကိစ္စရပ်များကို အတတ်နိုင်ဆုံး ဖြေလျော့ဆောင်ရွက်လျက်ရှိပါကြောင်း၊ သစ်တောဦးစီးဌာနအနေဖြင့်လည်း သစ်တောဥပဒေများရှိ ပါကြောင်း၊ ဥပဒေကန့်သတ်ချက်များအား ကျော်လွန်၍ ဆောင်ရွက်၍ မရပါကြောင်း၊ လုပ်ထုံး လုပ်နည်း၊ မူဘောင်များအတွင်းမှ အဆင်ပြေအောင်ဆောင်ရွက်ပေးသွားမည်ဖြစ်ပါကြောင်း၊ ဌာန ဝန်ထမ်းများအဆင့်ဆင့် စဉ်ဆက်မပြတ်ကူညီဆောင်ရွက်ပေးသွားမည်ဖြစ်ပါကြောင်း၊ နိုင်ငံတော် အကြီးအကဲ၏ လမ်းညွှန်ချက်အရ MSME လုပ်ငန်းရှင်များ ဖွံ့ဖြိုးတိုးတက်စေရန်အတွက် Return မြန်သော သစ်တောထွက်ပစ္စည်း ကို လုပ်ကိုင်ဆောင်ရွက်စေလိုပါကြောင်း၊ ဌာနအနေဖြင့်လည်း အဆုံးစွန်ဆုံးဖြေလျှော့ဆောင်ရွက်ပေး သွားမည်ဖြစ်ပါကြောင်း၊-ဌာနအနေဖြင့် လုပ်ငန်းရှင်များနှင့်ပူးပေါင်း၍ အဆင်ပြေအောင် ဆောင်ရွက်ပေးမည့်တာဝန် သည်မိမိတို့တာဝန်သာဖြစ်ကြောင်း၊ ဒေသခံများ၊ တစ်နိုင်တစ်ပိုင်လုပ်ငန်းရှင်များ၊ CF လုပ်ကိုင် ဆောင်ရွက်သူများအားလုံးကို Respect ၊ Suspect တစ်ဦးတစ်ယောက်ကြောင့် လုပ်ထုံးလုပ်နည်း များ ထပ်ထပ်ကြပ်သည့်အဖြစ်မျိုးဆောင်ရွက်သွားမည်မဟုတ်ကြောင်း၊ ပြည်ထောင်စုဝန်ကြီး၏ လမ်းညွှန်ချက်ဖြင့် အောင်မြင်အောင်အကောင်အထည်ဖော်ဆောင်ရွက်သွားမည်ဖြစ်ပါကြောင်းနှင့် ခေတ်ကာလအခြေအနေနှင့်လျော်ညီအောင်ဆောင်ရွက်သွားမည်ဖြစ်ပါကြောင်း နိဂုံးချုပ်ပြောကြားခဲ့ ပါသည်။