(၂၀-၄-၂၀၂၆) ရက်၊ တနင်္လာနေ့ (၁၀:၀၀)နာရီတွင် သစ်တောဦးစီးဌာန၊ ညွှန်ကြားရေးမှူး ချုပ်ရုံး၊ အင်ကြင်းခန်းမ၌ ပြည်တွင်း/ ပြည်ပနိုင်ငံများမှ သင်တန်း/ အလုပ်ရုံဆွေးနွေးပွဲများ တက်ရောက်ခဲ့ကြသည့် သစ်တောဝန်ထမ်းများ၏ အတွေ့အကြုံနှင့် ဗဟုသုတများ ပြန်လည် မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ညွှန်ကြားရေးမှူး ချုပ်ရုံးမှ တောအုပ်ကြီးမှဒုတိယညွှန်ကြားရေးမှူးထိ သစ်တောဝန်ထမ်းများ တက်ရောက်ပြီး ပြည်နယ်/ တိုင်းဒေသကြီးများမှ တောအုပ်ကြီး၊ ဦးစီးအရာရှိ (၂၀) ဦးစီက online စနစ်ဖြင့် တက်ရောက်ခဲ့သည်။အစီအစဉ်အရ ဒေါ်ဖြူဖြူခိုင် (ဒုတိယညွှန်ကြားရေးမှူး၊ စိုက်ခင်းလုပ်ငန်းဌာနခွဲ)က သဘာပတိအဖြစ် ဆောင်ရွက်ပြီး ဦးစီးအရာရှိ ဒေါ်သင်းသင်းယုမှ တရုတ်ပြည်သူ့သမ္မတနိုင်ငံ၊ ဟောင်ကောင်အထူးကိုယ်ပိုင်အုပ်ချုပ်ခွင့်ရဒေသတွင် တက်ရောက်ခဲ့သည့် ရေဝပ်ဒေသအုပ်ချုပ် မှုနှင့် ရွေ့ပြောင်းရေပျော်ငှက်များ ထိန်းသိမ်းရေးဆိုင်ရာ အလုပ်ရုံဆွေးနွေးပွဲအား Online စနစ် ဖြင့်လည်းကောင်း၊ တောအုပ်ကြီး ဦးမင်းခန့်ကျော်မှ ထိုင်းနိုင်ငံတွင် တက်ရောက်ခဲ့သည့် စတုတ္ထ အကြိမ်မြောက် တောမီးငြိမ်းသတ်ခြင်းဆိုင်ရာ သင်တန်းဆရာများအတွက် သင်တန်းအားလည်းကောင်း၊ အသီးသီးရှင်းလင်းတင်ပြကြရာ တက်ရောက်လာသူများ၏ မေးခွန်းမေးမြန်း မှုများအပေါ် ပြန်လည်ဆွေးနွေးဖြေကြားခဲ့ကြောင်းသိရှိရသည်။