သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာနအနေဖြင့် နွေရာသီ ကျောင်းပိတ်ရက်ရှည်ကာလအတွင်း ကျောင်းသား၊ ကျောင်းသူလူငယ်များ မိမိတို့ ဝန်းကျင်ရှိ သစ်တောသစ်ပင်နှင့် ဇီဝမျိုးစုံမျိုးကွဲများကို ချစ်မြတ်နိုးတတ်စေရန်နှင့် လက်ရှိ ရာသီဥတုပြောင်းလဲမှုဖြစ်စဉ်များ၏ အခြေခံအကြောင်းအရင်းများကို သိရှိနားလည် တန်ဖိုး ထားတတ်စေရန်ရည်ရွယ်၍ အသိပညာပေး ဟောပြောပွဲများ ဆောင်ရွက်လျက်ရှိရာ အလုံမြို့နယ် သစ်တောဦးစီးဌာနက သစ်တောသစ် ပင်နှင့်ဇီဝမျိုးစုံမျိုးကွဲများ ထိန်းသိမ်းရေး ဆိုင်ရာ အသိပညာပေးဟောပြောပွဲကို (၂၃.၅.၂၀၂၄)ရက်နေ့ နံနက်ပိုင်း(၁၀:၀၀)အချိန် ၌ မရမ်းကုန်းမြို့နယ် အမှတ်(၅)အခြေခံပညာအထက်တန်းကျောင်းတွင် ဆောင်ရွက်ခဲ့ရာ ဆရာ/ဆရာမ ကျောင်းသားကျောင်းသူ အင်အား(၆၇)ဦး တက်ရောက်ခဲ့ကြပါသည်။ ဟောပြောပွဲအပြီးတွင် အလုံမြို့နယ် သစ်တောဦးစီးဌာန မြို့မပျိုးဥယျာဉ်အတွင်း ပျိုးပင်များ ပျိုးထောင်ခြင်းနှင့် နည်းလမ်းတကျ သစ်ပင်စိုက်ပျိုးခြင်း အခြေခံနည်းစနစ်တို့ကို လက်တွေ့ သရုပ်ပြရှင်းလင်းဆောင်ရွက်ခဲ့ရာ သိရှိလိုသည်များ မေးမြန်းခြင်း တာဝန်ရှိသူများက ပြန်လည် ရှင်းလင်း ဖြေကြားခြင်းများ ဆောင်ရွက်ခဲ့ပါကြောင်း သိရှိရပါသည်။