ရာသီဥတု ပြောင်းလဲမှုနှင့် သဘာဝဘေးအန္တရာယ်လျော့ပါးစေရေး၊ မိုးခေါင်ရေရှားမှု နှင့် အပူဒဏ်ကာကွယ်ရေး၊ သစ်တောသယံဇာတများ ရေရှည်တည်တံ့စေရေး၊ သစ်တောဖုံး လွှမ်းမှုတိုးတက်လာစေရေး၊ ပတ်ဝန်းကျင်စိမ်းလန်းစိုပြည်ရေး၊ ပြည်သူများမှ သစ်တော သစ်ပင်များ၏ တန်ဖိုးကိုနားလည်မြတ်နိုးသည့်စိတ်ဓါတ် ဖြစ်ပေါ်လာ၍ သစ်ပင်စိုက်ပျိုး ခြင်းနှင့် သစ်တောပြုစုထိန်းသိမ်းခြင်းလုပ်ငန်းများကို ပိုမို ပူးပေါင်းဆောင်ရွက်လာ စေရေးတို့ကို ရည်ရွယ်၍ (၈-၆-၂၀၂၄ )ရက်နေ့ နံနက်(၀၇:၃၀)နာရီ တွင် ကချင်ပြည်နယ်၊ မြစ်ကြီးနားမြို့ နည်းပညာတက္ကသိုလ်ဝန်းအတွင်း၌ ပထမအကြိမ် ပြည်နယ်အဆင့်၊ မိုးရာသီ စုပေါင်းသစ်ပင်စိုက်ပျိုးပွဲ ကျင်းပခဲ့ပါသည်။ မိုးရာသီစုပေါင်းသစ်ပင်စိုက်ပျိုးပွဲသို့ ကချင် ပြည်နယ်အစိုးရအဖွဲ့ဝန်ကြီးချုပ်၊ ကချင်ပြည်နယ်တရားသူကြီးချုပ်နှင့် ပြည်နယ်အစိုးရ အဖွဲ့ဝင်ဝန်ကြီးများ၊ ပြည်နယ်/ ခရိုင်/မြို့နယ်အဆင့်ဌာနဆိုင်ရာများနှင့် ဝန်ထမ်းများ၊ နည်းပညာတက္ကသိုလ် ဆရာ/ဆရာမများနှင့် ကျောင်းသူ/ ကျောင်းသားများ၊ သစ်တော ဦးစီးဌာနမှဝန်ထမ်းများနှင့် လူမှုရေးအသင်းအဖွဲ့ဝင်များဖြင့် အင်အား(၂၅၀)ဦးခန့် တက်ရောက်၍ သတ်မှတ်နေရာများတွင် ပျိုးပင်များအား တပျော်တပါး စိုက်ပျိုးပေးကြပြီး ပြည်နယ်ဝန်ကြီးချုပ်နှင့် တာဝန်ရှိသူများက စုပေါင်းသစ်ပင်စိုက်ပျိုးပေးနေမှုများအား လိုက်လံကြည့်ရှု အားပေးခဲ့ပြီး အခမ်းအနားကိုရုပ်သိမ်းခဲ့ကြပါသည်။ သစ်ပင်စိုက်ပျိုးပွဲ တော်တွင်(၂)ပေနှင့်အထက်(၂)နှစ်သားအရွယ်ရှိ ကျွန်း(၁၀)ပင်၊ တမလန်း(၆၀)ပင်၊ ရေပိ တောက်(၁၀၀)ပင်၊ မန်ဂျန်ရှား(၉၄)ပင်၊ စကားဝါ(၅၀)ပင်၊ ယမနေ(၅၀)ပင်၊ ယင်းမာ(၄၀)ပင်၊ ပျဉ်းမ(၁၀)ပင်၊ စသည့်သစ်မျိုး(၈)မျိုး(၄၁၄)ပင်အား စုပေါင်းစိုက်ပျိုးခဲ့ကြပါကြောင်း သိရှိရ ပါသည်။