၂၀၂၄- ၂၀၂၅ ဘဏ္ဍာနှစ်၊ သစ်တောအုပ်ချုပ်လုပ်ကိုင်မှုစီမံကိန်းရေးဆွဲရေးပင်မ အဖွဲ့၏ ပထမအကြိမ် လုပ်ငန်းညှိနှိုင်းအစည်းအဝေးကို (၂၇-၆-၂၀၂၄) ရက်နေ့၊ နံနက်ပိုင်း တွင် သစ်တောဦးစီးရုံးချုပ်၊ အင်ကြင်းခန်းမ၌ ကျင်းပပြုလုပ်ရာ သစ်တောဦးစီးဌာန၊ ဒုတိယညွှန်ကြားရေးမှူးချုပ်(မူဝါဒနှင့်စီမံကိန်း) ဦးဖေချစ် တက်ရောက်အဖွင့် အမှာစကား ပြောကြားပါသည်။
ဒုတိယညွှန်ကြားရေးမှူးချုပ် (မူဝါဒနှင့် စီမံကိန်း)က ယခုကျင်းပသော အစည်း အဝေးသည် သစ်တောအုပ်ချုပ်လုပ်ကိုင်မှုစီမံကိန်းရေးဆွဲရေးပင်မ အဖွဲ့မှ ပထမအကြိမ် ကျင်းပခြင်းဖြစ်ပြီး အဖွဲ့အနေဖြင့် အကြေအလည်ဆွေးနွေး၍ ရလဒ်ကောင်း ရရှိရေး ဆောင်ရွက်ရန်လိုအပ်ပါကြောင်း၊ မည်သည့်လုပ်ငန်း၊ မည်သည့်ကိစ္စရပ်မဆို အစီအမံ ချမှတ် ဆောင်ရွက်မှသာ လုပ်ငန်းဆောင်ရွက်ရာတွင် အဆင်ပြေချောမွေ့ နိုင်မည်ဖြစ် ပါကြောင်း သစ်တောဦးစီးဌာနအနေဖြင့် သစ်တောသယံဇာတများကို စီမံအုပ်ချုပ်ရာ တွင် ရှေယခင်ကတည်းက ခရိုင်သစ်တောအုပ်ချုပ်လုပ်ကိုင်မှု စီမံကိန်းကိုရေးဆွဲ ဆောင်ရွက်ခဲ့ပါကြောင်း၊ သစ်တောများကို ထာဝစဉ်တည်တံ့စေရန် ခရိုင်သစ်တော အုပ်ချုပ်လုပ်ကိုင်မှုစီမံကိန်းရေးဆွဲ၍ အုပ်ချုပ်လုပ်ကိုင်ခြင်းသည် အပြည်ပြည်ဆိုင်ရာ အပူပိုင်းဒေသသစ်အဖွဲ့ (International Tropical Timber Organization)က သတ်မှတ် ထားသော ရည်ရွယ်ချက်များနှင့် ကိုက်ညီပါကြောင်းနှင့် Sustainable Forest Manage ment (SFM)၏ စံချိန်စံညွှန်း (Indicator) တစ်ခုဖြစ်ပါကြောင်း၊
ခရိုင်သစ်တောအုပ်ချုပ်လုပ်ကိုင် မှုစီမံကိန်းများကို ဒုတိယနှစ်(၃၀) သက်တမ်း အတွက် ရေးဆွဲရန်မှာ သစ်တောဦးစီးဌာန၏ တာဝန်ဖြစ်သည့်အတွက် အလေးထား ဆောင်ရွက်သွားမည်ဖြစ်ပါကြောင်း၊ လာမည့်ကာလအတွက် ခရိုင်သစ်တောအုပ်ချုပ် လုပ်ကိုင်မှုစီမံကိန်းများကို ခရိုင်အလိုက်ရေးဆွဲရာတွင် ဘက်စုံ၊ ထောင့်စုံ၊ ကဏ္ဍစုံက ပျော့ကွက်ဟာကွက်မရှိအောင် ရေးဆွဲဆောင်ရွက်မည်ဖြစ်ပါကြောင်း၊ ခရိုင်သစ်တော အုပ်ချုပ်လုပ်ကိုင်မှုစီမံကိန်း၊ ဒုတိယနှစ်(၃၀)၏ ပထမ(၁၀)နှစ်စီမံကိန်းတို့ကို ခရိုင် အလိုက်ရေးဆွဲရာတွင် လက်တွေ့ကျပြီး လုပ်ကိုင်ဆောင်ရွက်နိုင်မည့် အခြေအနေ ကောင်းများ ပါဝင်စေလျက် ပြောင်းလဲတိုးတက်လာသည့် ယနေ့ခေတ်ကာလ အခြေအနေ နှင့် သဟဇာတဖြစ်စေရေး မျက်ခြေမပြတ် လေ့လာဖြည့်စွက်ရေးဆွဲဆောင်ရွက်သွားရမှာ ဖြစ်ပါကြောင်းနှင့် ဦးစီးရုံးချုပ်များတွင်ရှိသည့် Management Plan Core Unit အဖွဲ့အနေ နဲ့ ကြိုးပမ်းအားထုတ်ဆောင်ရွက်မှု လိုအပ်ပါကြောင်းမှာကြားပါသည်။
ထို့နောက် သစ်တောအုပ်ချုပ်လုပ်ကိုင်မှုစီမံကိန်းရေးဆွဲရေးပင်မ အဖွဲ့ဥက္ကဌနှင့် တာဝန်ရှိသူများမှ ခရိုင်သစ်တော အုပ်ချုပ်လုပ်ကိုင်မှုစီမံကိန်းရေးဆွဲခြင်းနှင့် ပတ်သက်၍ ရှင်းလင်းတင်ပြကြပြီး တင်ပြချက်များအပေါ် အဖွဲ့ဝင်များမှ အကြံပြုဆွေးနွေးခဲ့ ကြပါ သည်။ တင်ပြဆွေးနွေးချက်များအပေါ် ဒုတိညွှန်ကြားရေးမှူးချုပ်( မူဝါဒနှင့်စီမံကိန်း)မှ လိုအပ်သည်များအား ဖြည့်စွက်ဆွေးနွေးခဲ့ကြပြီး ဆက်လက်ဆောင်ရွက်မည့် လုပ်ငန်း ဆုံးဖြတ်ချက်များ ချမှတ်ခဲ့ပါသည်။
လုပ်ငန်းညှိနှိုင်းအစည်းအဝေသို့ သစ်တောဦးစီးဌာန၊ ဒုတိယညွှန်ကြားရေးမှူးချုပ် (မူဝါဒနှင့် စီမံကိန်း)၊ သစ်တောအုပ်ချုပ်လုပ်ကိုင်မှုစီမံကိန်းရေးဆွဲရေးပင်မအဖွဲ့ဥက္ကဌ၊ ညွှန်ကြားရေးမှူး (စီမံကိန်းနှင့်စာရင်းအင်းဌာန)နှင့် အဖွဲ့ဝင်များ တက်ရောက်ခဲ့ကြပါ သည်။