ပဲခူးတိုင်းဒေသကြီးအတွင်း တည်ထောင်ထားရှိသည့် ကျွန်းစိုက်ခင်းများတွင် ကျရောက် တတ်သည့် ဖျက်ပိုးနှင့်ရောဂါများအား ဘက်ပေါင်းစုံကာကွယ်နှိမ်နင်းခြင်းနည်း လမ်းများဖြင့် စီမံအုပ်ချုပ်ခြင်း စီမံကိန်း၏ ပံ့ပိုးမှုဖြင့် “သစ်တောသင်တန်းကျောင်း များအတွက် ဖျက်ပိုးနှင့် ရောဂါစီမံအုပ်ချုပ်ခြင်း သင်ရိုးညွှန်းတမ်းရေးဆွဲခြင်းဆိုင်ရာ အလုပ်ရုံဆွေးနွေးပွဲ”ကို (၂၈-၆-၂၀၂၄) ရက်နေ့တွင် သစ်တောဦးစီးရုံးချုပ်၊ အင်ကြင်းခန်းမ တွင်ကျင်းပပြုလုပ်ရာသစ်တော ဦးစီးဌာန၊ ညွှန်ကြားရေးမှူးချုပ်ဒေါက်တာသောင်းနိုင်ဦး၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် စီမံကိန်းမှ တာဝန်ရှိသူများ၊ ဖိတ်ကြားထားသော ဆက်စပ်ဌာနနှင့် တက္ကသိုလ်ဆရာ/ဆရာမများ တက်ရောက်ကြပြီး ပဲခူးတိုင်းဒေသကြီး၊ သစ်တောဦးစီးဌာနမှ တာဝန်ရှိသူများမှ Virtual စနစ်ဖြင့် တက်ရောက် ကြပါသည်။
ရှေးဦးစွာ သစ်တောဦးစီးဌာန၊ ညွှန်ကြားရေးမှူးချုပ် ဒေါက်တာသောင်းနိုင်ဦးက ယနေ့ ကျင်းပပြုလုပ်သည့် အလုပ်ရုံဆွေးနွေးပွဲသည် “ပဲခူးတိုင်းဒေသကြီးအတွင်း တည်ထောင်ထားရှိ သည့် ကျွန်းစိုက်ခင်းများတွင် ကျရောက်တတ်သည့် ဖျက်ပိုးနှင့် ရောဂါများအား ဘက်ပေါင်းစုံ ကာကွယ်နှိမ်နင်းခြင်း နည်းလမ်းများဖြင့် စီမံအုပ်ချုပ်ခြင်းစီမံကိန်း (FD- AFoCO IPDM Project) ”မှ ကျင်းပပြုလုပ်သည့် သစ်တောသင်တန်းကျောင်းများအတွက် ဖျက်ပိုးနှင့် ရောဂါ စီမံအုပ်ချုပ်ခြင်း၊ သင်ရိုးညွှန်းတမ်း ရေးဆွဲခြင်းဆိုင်ရာ အလုပ်ရုံဆွေးနွေးပွဲဖြစ်ပါ ကြောင်း၊ သစ်တောဦးစီးဌာနအနေဖြင့် ဖျက်ပိုးနှင့် အပင်ရောဂါဆိုင်ရာ ပြဿနာများကို ကောင်းမွန်စွာ ကိုင်တွယ်ဖြေရှင်းရန် သုတေသနလုပ်ငန်းများ‌ ဆောင်ရွက်ခြင်း၊ ဆက်စပ်ပတ်သက်သူများကို နည်းပညာအကူအညီပေးခြင်းနှင့် အသိပညာပေးခြင်းကဲ့သို့သော လုပ်ငန်းများကို ဆောင်ရွက် လျက်ရှိသော်လည်း အခြားသောနယ်ပယ်များနှင့် နှိုင်းယှဉ်ပါက ဖျက်ပိုးနှင့် ရောဂါကာကွယ် ထိန်းချုပ်ခြင်းဆိုင်ရာ ကျွမ်းကျင်ပညာရှင်နည်းပါးခြင်း၊ အထောက်အကူပြု ပစ္စည်းများမရှိခြင်း၊ အစရှိသည့်အခက်အခဲများကြောင့်သုတေသနလုပ်ငန်းများဖွံ့ဖြိုးတိုးတက်မှုတို့တွင်အနည်းငယ် နောက်ကျလျက်ရှိပါကြောင်း၊ ထို့ကြောင့် သုတေသနနယ်ပယ်တွင် ဖျက်ပိုးနှင့် အပင်ရောဂါ စီမံအုပ်ချုပ်မှု နည်းပညာများ ပိုမိုဖွံ့ဖြိုးတိုး တက်လာစေရန်အတွက် အာရှသစ်တောဆိုင်ရာ ကဏ္ဍ ပူးပေါင်းဆောင်ရွက်ရေးအဖွဲ့( Asian Forest Cooperation Organigation –AFoCO) နှင့် ပူးပေါင်း၍ “ ပဲခူးတိုင်းဒေသကြီးအတွင်း တည်ထောင်ထားရှိသည့် ကျွန်းစိုက်ခင်းများတွင် ကျရောက်တတ်သည့် ဖျက်ပိုးနှင့်ရောဂါများအား ဘက်ပေါင်းစုံကာကွယ်နှိမ်နင်းခြင်း နည်းလမ်းများဖြင့် စီမံအုပ်ချုပ်ခြင်း စီမံကိန်း” ကို ဆောင်ရွက်ရန် စီမံကိန်းသဘောတူညီချက် (Project Agreement) ကို ၂၀၂၀ ပြည့်နှစ်၊ ဇွန်လ (၂၅) ရက်နေ့တွင် လက်မှတ်ရေးထိုး ဆောင်ရွက်ခဲ့ခြင်း ဖြစ်ပါကြောင်း၊စီမံကိန်းကာလအတွင်း ကနဦးအလုပ်ရုံဆွေးနွေးပွဲများ၊ သင်တန်းများ၊ ဖျက်ပိုးနှင့်ရောဂါများ ဘက်စုံနှိမ်နင်းခြင်းဆိုင်ရာ သရုပ်ပြကွက်များ၊ သစ်တော သုတေသနဌာန အဆောက်အဦများနှင့် ဓါတ်ခွဲခန်းများ အဆင့်မြှင့်တင်ခြင်း လုပ်ငန်းများတို့ကို ဆောင်ရွက်နိုင်ခဲ့ပါကြောင်း ၊ ယနေ့ကျင်းပပြုလုပ်သည့် အလုပ်ရုံဆွေးနွေးပွဲကို ဖျက်ပိုးနှင့် ရောဂါစီမံအုပ်ချုပ်မှုဆိုင်ရာ လုပ်ငန်းစဉ်များကို ကျွမ်းကျင်စွာဆောင်ရွက်နိုင်ရန်နှင့် သင်ကြား ရေးနှင့် လက်တွေ့ပြန်လည်အသုံးချရေးတို့ ထပ်တူကျစေရန် ရည်ရွယ်ပြီး သစ်တောသင်တန်း ကျောင်းများတွင် သင်ကြားလျက်ရှိသော သင်ရိုးညွှန်းတမ်းများကို အဆင့်မြှင့်တင်ရေးဆွဲနိုင် ရေးအတွက် ကျင်းပရခြင်းဖြစ်ပါကြောင်းနှင့် သစ်တောသင်တန်းကျောင်းများတွင် ဖျက်ပိုးနှင့် ရောဂါစီမံအုပ်ချုပ်ခြင်း သင်ရိုးညွှန်းတမ်းရေး ဆွဲခြင်းဆိုင်ရာ အလုပ်ရုံဆွေးနွေးပွဲမှတဆင့် ကောင်းမွန်သည့်ရလဒ်များ ပေါ်ထွက်လာမည်ဟု မျှော်လင့်ပါကြောင်း ပြောကြားပါသည်။
ထို့နောက်သစ်တောသုတေသနဌာန၊ ညွှန်ကြားရေးမှူးက FD – AFoCO IPDM Project နှင့်ပတ်သက်၍ အကောင်အထည်ဖော် ဆောင်ရွက်နေမှု အခြေအနေကိုလည်းကောင်း၊ CFDTC သင်တန်းကျောင်းအုပ်ကြီးနှင့် မြန်မာနိုင်ငံသစ်တောကျောင်း ကျောင်းအုပ်ကြီးတို့မှ ဖျက်ပိုးနှင့် ရောဂါစီမံအုပ်ချုပ်မှုဆိုင်ရာနှင့် ပတ်သက်သော သင်ရိုးညွှန်းတမ်းရေးဆွဲပို့ချနေမှု အခြေအနေ များကိုလည်းကောင်း တင်ပြကြပါသည်။ ထို့နောက် တက်ရောက်လာသူများမှ မြန်မာနိုင်ငံ သစ်တောကျောင်းနှင့် CFDTC သင်တန်းကျောင်းများအတွက် သင်ရိုးညွှန်းတမ်းများ အဆင့်မြှင့် တင်ရေးအတွက် ဝိုင်းဝန်းအကြံပြုဆွေးနွေးကြပြီး သစ်တောဦးစီးဌာန ၊ ညွှန်ကြားရေးမှူးချုပ်မှ နိဂုံးချုပ်အမှာစကား ပြောကြားပြီး အလုပ်ရုံဆွေးနွေးပွဲအား ရုပ်သိမ်းခဲ့ပါသည်။