ပဲခူးတိုင်းဒေသကြီးသစ်တောဦးစီးဌာန၊ ပဲခူးခရိုင်၊ ပဲခူးမြို့နယ်၏ ဒုတိယအကြိမ်မြောက်၂၀၂၄ ခုနှစ်၊ မိုးရာသီသစ်ပင်စိုက်ပျိုးပွဲတော်အား (၄-၇-၂၀၂၄) ရက်နေ့၊ (၀၇းဝဝ)နာရီ အချိန်တွင် ပဲခူးမြို့ရှိကျိုက်ပွန်လေးမျက်နှာဘုရားကြီး၏ အနောက်ဘက်မုဒ်မြေကွက်လပ် တွင် လူထုလှုပ်ရှားမှုအနေဖြင့် ကျင်းပပြုလုပ်ခဲ့ရာ ပဲခူးမြို့နယ်၊ မြို့နယ်စီမံအုပ်ချူပ်ရေးအဖွဲ့ဥက္ကဌ ဦးထွန်းအောင်ကျော် ဦးဆောင်သည့် ဌာနဆိုင်ရာဝန်ထမ်းများ၊ ပဲခူးမြို့ပေါ် ရှိအခြေခံပညာကျောင်းများမှ ဆရာဆရာမများနှင့် ကျောင်းသားကျောင်းသူများ၊ အမျိုးသမီးရေးရာနှင့်မိခင်နှင့်ကလေးစောင့်ရှောက်ရေးအသင်းအဖွဲ့ဝင်များ၊ အရန်မီးသတ်တပ်ဖွဲ့ဝင်များ နှင့် ပဲခူးမြို့ပေါ်ရှိရပ်ကွက်သူရပ်ကွက်သားများ စုစုပေါင်းလူဦးရေ(၅၀၀)ဦးတို့မှ ကျိုက်ပွန်လေးမျက်နှာ ဘုရားကြီးပရဝုဏ်အတွင်းစိမ်းလန်းစိုပြည်သာယာလှပစေရေးအတွက်အရိပ် ရပြီး အပွင့်ပွင့်သည့်သစ်ပင်မျိုးများနှင့် ဥယျာဥ်ခြံသီးနှံပင် သစ်မျိုးများအပါအဝင် သစ်မျိုး(၁၆) မျိုးပျိုးပင်ပေါင်း(၅၀၉)ပင်အားစုပေါင်း၍စိုက်ပျိုးခဲ့ပါ ကြောင်း သိရှိရပါသည်။