(၂၇.၇.၂၀၂၄)ရက်နေ့၊ သစ်တောဦးစီးဌာန၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် နောင်တောင်းဆရာတော်ကြီး -ဘဒ္ဒန္တ ရာဇိန္ဒာသီရိ နှင့် ပအိုဝ်းကိုယ်ပိုင် အုပ်ချုပ်ခွင့်ရဒေသဥက္ကဌ- ဦးခွန်ရဲထွေး၏ လမ်းညွှန်မှုအရ (၂၀၂၄)ခုနှစ်၊ ပြည်သူလူထု ပူးပေါင်းပါဝင်သော သစ်ပင်စိုက်ပျိုးခြင်းနှင့် အသိပညာပေးဟောပြောခြင်း အစီအစဉ်ကို ဟိုပုံးမြို့နယ်၊ လွယ်အွန့်ကျေးရွာအုပ်စု၊ နောင်တောင်းကျေးရွာ၊ နောင်တောင်း တပ်ဦးပရ ဟိတ ဘုန်းတော်ကြီးသင်ပညာရေးကျောင်း အတွင်း၌ ကျောင်းသား/ကျောင်းသူ(၂၃၅)ဦး၊ ကျောင်းစီမံအုပ်ချုပ်ရေးအဖွဲ့ဝင် ဆရာ၊ဆရာမ (၁၅)ဦး၊ စုစုပေါင်း (၂၅၀)ဦး အား သစ်တော ဦးစီးဌာနမှ အကောင်အထည်ဖော်ဆောင်ရွက်လျှက်ရှိသော သစ်တောလုပ်ငန်းများတွင် ပိုမိုတက်ကြွစွာ ပူးပေါင်းပါဝင်လာစေရန် ရည်ရွယ်ချက်ဖြင့် သစ်တောနှင့်ဇီဝမျိုးစုံမျိုးကွဲ ထိန်းသိမ်းရေးဆိုင်ရာ ရာသီဥတုပြောင်းလဲမှုနှင့်သစ်တော၊ သစ်ပင်များ၏အခန်းကဏ္ဌ၊ သစ်ပင်ပျိုးထောင်၊ စိုက်ပျိုးသည့်နည်းစနစ်နှင့် သစ်တော၊သစ်ပင်စိုက်ပျိုးခြင်းဖြင့် ရရှိမည့် အကျိုးကျေးဇူးအကြောင်း အသိပညာပေး ဟောပြောခြင်းနှင့် နောင်တောင်းထီကတူးတောရ ကျောင်းဝန်းအတွင်း၌ ကျောင်းသား/ကျောင်းသူများ၊ ပရဟိတ ပအိုဝ်းလူငယ်များနှင့်အတူ ခါတော်မီ(၂၀၀၀)ပင်၊ စိန်ပန်းနီ(၂၀၀)ပင်၊ စိန်ပန်းပြာ(၇၀၀)ပင်၊ အာဖရီကန်ကျူးလစ် (၁၂၀၀)ပင်၊ ငုစပ်(၇၀၀)ပင်၊ ကုက္ကိုလ်(၂၀၀)ပင် စုစုပေါင်း သစ်မျိုး(၆)မျိုး၊ ပျိုးပင်ပေါင်း (၅၀၀၀)ပင်အား စိုက်ပျိုးခဲ့ပါကြောင်း သိရှိရပါသည်။