(၃၁-၁၀-၂၀၂၄) ရက်နေ့ ၊ ကြာသပတေးနေ့ ၊ နံနက် (၀၉:၀၀) နာရီ အချိန်၊ သစ်တောဦးစီးဌာန၊ ညွှန်ကြားရေးမှူးချုပ်ရုံးအစည်းအဝေးခန်းမ၌ ပြင်ဦးလွင်မြို့ ၊ မြန်မာနိုင်ငံသစ်တောကျောင်း အခြေခံသစ်တောပညာသင်တန်းအမှတ်စဉ် (၁၁၇) သင်တန်းဆင်းပွဲ အခမ်းအနားအောင်မြင်စွာ ကျင်းပနိုင်ရေးအတွက် ကျောင်းအုပ်ချုပ်ရေးအဖွဲ့ အစည်းအဝေးကျင်းပရာ ဥက္ကဋ္ဌ၊ သစ်တောဦးစီး ဌာန၊ ညွှန်ကြားရေးမှူးချုပ်၊ ဒေါက်တာသောင်းနိုင်ဦး တက်ရောက်၍ အဖွင့်အမှာစကားပြောကြား ပါသည်။ ဆက်လက်၍ မြန်မာနိုင်ငံသစ်တောကျောင်း၊ ကျောင်းအုပ်ကြီးမှ သင်တန်းအမှတ်စဉ် (၁၁၇)၏ သင်တန်းကာလတွင်းဆောင်ရွက်မူများ ၊ သင်တန်းဆင်းပွဲ ကျင်းပမည့်အစီအမံများကိုလည်းကောင်း၊ ဒုတိယကျောင်းအုပ်ကြီးမှ သင်တန်းသားများ အရည်အချင်းစစ်ဆေးခြင်း ရမှတ်များ၊ ထူးချွန်ဆုရွေးချယ်ခြင်းများကို အသီးသီးရှင်းလင်းတင်ပြရာ တက်ရောက်လာကြသည့် ကျောင်းအုပ်ချုပ်ရေးအဖွဲ့ဝင်များက ဝိုင်းဝန်းဆွေးနွေး အတည်ပြုကြပါသည်။အစည်းအဝေးသို့ ကျောင်းအုပ်ချုပ်ရေးအဖွဲ့ဝင်များ၊ မြန်မာနိုင်ငံသစ်တောကျောင်းမှ ကျောင်းအုပ်ကြီးနှင့် တာဝန်ရှိသူများ တက်ရောက်ကြောင်း သတင်းရရှိပါသည်။