စစ်ကိုင်းတိုင်းဒေသကြီး၊ မော်လိုက်-ခန္တီးခရိုင်၊ မော်လိုက်မြို့နယ် သစ်တောဦးစီးဌာနမှ "ရာသီဥတုပြောင်းလဲမှု၊ သဘာဝဘေးအန္တရာယ်နှင့် မီးခိုး/မြူငွေ့လျှော့ချရေးဆိုင်ရာ ပတ်ဝန်းကျင် ထိန်းသိမ်းရေး အသိပညာပေးခြင်းအစီအစဉ်" (မြို့နယ်အဆင့်) ဟောပြောပွဲကျင်းပ
စစ်ကိုင်းတိုင်းဒေသကြီး၊ မော်လိုက်-ခန္တီးခရိုင်၊မော်လိုက်မြို့နယ် သစ်တောဦးစီးဌာနမှ ၂၀-၁၁-၂၀၂၄ရက်၊ (၁ဝး၀၀)နာရီတွင် မော်လိုက်မြို့၊ ညောင်ပင်သာရပ်ကွက်၊ အမှတ်(၄)အခြေခံပညာ မူလတန်းကျောင်းတွင် မြို့နယ်အဆင့် "ရာသီဥတုပြောင်းလဲမှု၊ သဘာဝဘေးအန္တရာယ်နှင့် မီးခိုး/မြူငွေ့ လျှော့ချရေးဆိုင်ရာ ပတ်ဝန်းကျင်ထိန်းသိမ်းရေး အသိပညာပေးခြင်းအစီအစဉ်" ဟောပြောပွဲကို ကျင်းပပြုလုပ်ခဲ့ပါသည်။ဟောပြောပွဲအခမ်းအနားသို့ မော်လိုက်မြို့၊ ညောင်ပင်သာရပ်ကွက်၊ အမှတ်(၄)အခြေခံပညာ မူလတန်းကျောင်း ကျောင်းအုပ်ဆရာကြီးအပါအဝင် ဆရာ၊ ဆရာမများ၊ အခြေခံပညာမူလတန်းအဆင့် ကျောင်းသား၊ ကျောင်းသူများ အင်အားစုစုပေါင်း ၇၉ ဦး တက်ရောက်ခဲ့ပါသည်။ဟောပြောပွဲတွင် မော်လိုက်မြို့နယ် သစ်တောဦးစီးဌာန၊ တောအုပ်ကြီး ဦးဇေယျာက မီးခိုး/မြူငွေ့လျှော့ချရေးဆိုင်ရာပတ်ဝန်းကျင်ထိန်းသိမ်းရေး အသိပညာပေး ဟောပြောခြင်း၊ မော်လိုက်-ခန္တီးခရိုင်၊ သစ်တောဦးစီးဌာန တောအုပ်ကြီး ဦသိန်းလင်းက ရာသီဥတုပြောင်းလဲမှုနှင့် သဘာဝ ဘေးအန္တရာယ်လျော့ချရေးအသိပညာပေးဟောပြောခြင်းတို့ကို ဆောင်ရွက်ခဲ့ပြီး ကျောင်းသား ကျောင်းသူများအတွက် စာရေးကိရိယာခဲတံနှင့် ဘောလ်ပင်များအား ကျောင်းအုပ်ဆရာကြီးထံ ပေးအပ်ခဲ့ပါကြောင်းသတင်းရရှိပါသည်။
