မြန်မာနိုင်ငံသည် သဘာဝ ရေ၊ မြေ၊ တောတောင်များနှင့် ဇီဝမျိုးစုံမျိုးကွဲများပေါများ ကြွယ်ဝ သောနိုင်ငံတစ်နိုင်ငံဖြစ်ပြီး သစ်တောများသည် အပင်နှင့်တိရစ္ဆာန်များ ပေါက်ပွားရှင်သန် ရန် ကောင်းမွန်သော သဘာဝပတ်ဝန်းကျင်အနေအထားများကို ဖန်တီးပေးထားပါသည်။ ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန၊ သစ်တောဦးစီးဌာနသည် ဇီဝမျိုးစုံ မျိုးကွဲများထိန်းသိမ်းရေးလုပ်ငန်းကို အလေးထားအကောင်အထည်ဖော်ရာတွင် သဘာဝနယ်မြေ များတည်ထောင်ခြင်း ဥပဒေ၊ နည်းဥပဒေများ ပြဋ္ဌာန်း၍  ဆောင်ရွက်လျက်ရှိပါသည်။

          သစ်တောဦးစီးဌာန၊ သဘာဝဝန်းကျင်နှင့်သားငှက်တိရစ္ဆာန်ထိန်းသိမ်းရေးဌာနအောက်ရှိ ပိတောင်ဘေးမဲ့တောမှ ဝန်ထမ်းများသည် ဘေးမဲ့တော ပတ်ဝန်းကျင်ကျေးရွာများနှင့် စာသင် ကျောင်းများတွင် ဇီဝမျိုးစုံမျိုးကွဲထိန်းသိမ်းရေးလုပ်ငန်းများတွင် ဒေသခံပြည်သူများ ပူးပေါင်း ပါဝင်မှုရရှိရန်နှင့် သိမြင်နိုးကြားမှုတို့ရှိစေရန် ပညာပေးဟောပြောပွဲများ ပြုလုပ်လျက်ရှိရာ     (၁၇-၁၁-၂၀၁၃) နှင့် (၂၃-၁၁-၂၀၁၃) ရက်နေ့များတွင် မြစ်ကြီးနားမြို့နယ် နန်းကွေ့ကျေးရွာနှင့် ပ.လ.နကျေးရွာများ၏ အုပ်ချုပ်ရေးမှူးရုံးများနှင့် အလယ်မော်ဖောင်းအခြေခံပညာအလယ်တန်း ကျောင်းတွင် ကျင်းပပြုလုပ်ခဲ့ရာ ဒေသခံပြည်သူများနှင့် ကျောင်းသား/ကျောင်းသူ စုစုပေါင်း (၁၈၆) ဦး တက်ရောက် ကြပါသည်။

          အဆိုပါ ပညာပေးဟောပြောပွဲများတွင် ဘေးမဲ့တောဝန်ထမ်းများမှ ဇီဝမျိုးစုံမျိုးကွဲထိန်း သိမ်းရေး၊ သဘာဝဝန်းကျင်နှင့် သားငှက်တိရစ္ဆာန်ထိန်းသိမ်းရေးဥပဒေ၊ နည်းဥပဒေများနှင့် ရှားပါးတိရစ္ဆာန်နှင့် အပင်များ (CITES)အကြောင်းတို့ကို ဟောပြောခဲ့ကြောင်း သတင်းရရှိပါ သည်။