အာရှဒေသအဆင့် သစ်တောကဏ္ဍ ပူးပေါင်း ဆောင်ရွက်မှု လေ့ကျင့်ပညာပေးရေး သင်တန်းကျောင်း(AFoCO RETC)၏ ဒေသခံပြည်သူ ဖွံ့ဖြိုးတိုးတက်ရေး ပညာပေး အစီအစဉ် အရ မှော်ဘီမြို့နယ်၊ ပညာရေးမှူးရုံးနှင့် ညှိနှိုင်းလျက် အခြေခံ ပညာကျောင်းများနှင့် ဘုန်းတော်ကြီးသင် ပညာရေးကျောင်းများမှ ဆရာ/ဆရာမများ နှင့် ကျောင်းသား/ကျောင်းသူများအား  ဖိတ်ခေါ်၍ ကျင်းပပြုလုပ်လျက်ရှိပါသည်၊၂၀၁၈ ခုနှစ်၊ ဒီဇင်ဘာလနှင့် ၂၀၁၉ ခုနှစ်၊ ဇန်နဝါရီလအတွင်း သင်တန်းကျောင်း၌ လေ့လာရေးခရီးစဉ် (၅)ကြိမ် ကျင်းပပြုလုပ်မည်ဖြစ်ပါသည်။၂၀၁၈ ခုနှစ်၊ ဒီဇင်ဘာလ (၃၀) ရက်နေ့၌ ပထမအကြိမ်အဖြစ် စတင် ကျင်းပပြုလုပ် ခဲ့ပြီး သင်တန်းကျောင်းကို မှော်ဘီမြို့နယ်အတွင်းရှိ အခြေခံပညာ ကျောင်း ပေါင်းစုံမှ ဆရာ/ ဆရာမ(၆၀)ဦးက လာရောက်လေ့လာခဲ့ပါသည်။အစီအစဉ်အရ ဆရာ/ဆရာမများမှ မှတ်ပုံတင်စာရင်းရေးသွင်းခြင်း၊ ကျောင်းအုပ်ကြီး က သင်တန်းကျောင်း၏ နောက်ခံသမိုင်းနှင့် ဖွင့်လှစ်လျက်ရှိသည့် သင်တန်းများကို ရှင်းလင်းပြောကြားခြင်း၊ ဦးစီးအရာရှိက သစ်တောနှင့် သစ်တောဦးစီးဌာန အကြောင်း သိကောင်းစရာများကို ရှင်းလင်းပြောကြားခြင်း၊ သင်တန်းကျောင်းနှင့်ပတ်သက်၍ ဗီဒီယိုမှတ်တမ်းဖိုင်အား Projector ဖြင့် ပြသခြင်း၊ သင်တန်းကျောင်းအတွင်း လှည့်လည်ကြည့်ရှုခြင်းနှင့် သင်တန်းကျောင်း၏အမှုထမ်းဝန်ထမ်းများက သစ်ပင်များ ပျိုးထောင်ခြင်း၊ မြေဆွေးရောစပ်ခြင်း၊ စိုက်ပျိုးသင့်သည့်အချိန်ကာလနှင့် သစ်ပင် စိုက်ပျိုးနည်းစနစ်များကို လက်တွေ့ရှင်းလင်းပြသခဲ့ပြီး ဆရာ/ဆရာမများက အဖွဲ့လိုက် သစ်ပင်များ လက်တွေ့ စိုက်ပျိုးခဲ့ပါသည်။ထို့နောက် သင်တန်းကျောင်း ဝန်ထမ်းများက ဆရာ/ဆရာမများနှင့်အတူ သင်တန်း ကျောင်း၏အရှေ့ဘက်တွင် စုပေါင်းမှတ်တမ်းတင် ဓာတ်ပုံရိုက်ကူးကြပါသည်။အစီအစဉ်အရ နေ့လယ်စာသုံးဆောင်ပြီး လာရောက်လေ့လာသည့် ဆရာ/ဆရာမများကို အမှတ်တရလက်ဆောင်များ ပေးအပ်ခဲ့ပါသည်။