မန္တလေးတိုင်းဒေသကြီး၊ စဉ်ကိုင်မြို့နယ်၊ ပုလိပ်အင်းတွင် ငှက်မျိုးစိတ်များအား အဆိပ်ချ သတ်ဖြတ်နေခြင်းအား တားဆီးကာကွယ်ခြင်း လုပ်ငန်းများ ဆောင်ရွက်
မန္တလေးတိုင်းဒေသကြီး၊ စဉ်ကိုင်မြို့နယ်၊ ပုလိပ်အင်းတွင် ငှက်များကို အဆိပ်ချ ဖမ်းဆီးနေကြောင်း Facebook လူမှုကွန်ယက်မှ တွေ့ရှိချက်အရ သစ်တောဦးစီးဌာန၊ ညွှန် ကြားရေးမှူးချုပ်ရုံးမှ Wildlife Mobile Rescue အဖွဲ့သည် ၄-၂-၂၀၁၉ ရက်နေ့မှစ၍ ပုလိပ်အင်းသို့ သွားရောက်ပြီး၊ သက်ဆိုင်ရာ ခရိုင်/မြို့နယ် သစ်တောဦးစီးဌာန၊ မြန်မာနိုင်ငံ ငှက်ဝါသနာရှင်အသင်း၊ သားငှက်ထိန်းသိမ်းရေးအဖွဲ့၊ ကျေးရွာအုပ်ချုပ်ရေးအဖွဲ့၊ ငှက်ဝါ သနာရှင်များနှင့်ပူးပေါင်း၍ အဆိပ်ချမှုအား ကွင်းဆင်း စစ်ဆေးခြင်း၊ တွေ့ရှိရသော အဆိပ် များအား ဖယ်ရှားခြင်း၊ စောင့်ကြည့်ခြင်း၊ ပညာပေး စည်းရုံးခြင်း၊ အသိပညာပေးပိုစတာများ ကပ်ခြင်း စသည်တို့ကို ဆောင်ရွက်လျက် ရှိပါ သည်။ ပုလိပ်အင်းသည် ကမ္ဘာပေါ်တွင် အရှားပါးဆုံး ငှက်မျိုးစိတ်ဖြစ်ပြီး ကောင်ရေ ၁၅၀ နှင့် ၇၀၀ အတွင်းသာ ကျန်ရှိတော့သည့် ရုရှား နှင့် တရုတ်နိုင်ငံ မြောက်ပိုင်းတွင် သားပေါက် သည့် ဘဲပို့ချတ် Baer's pochard (Aythya baeri) လာရောက်ဆောင်းခို ကျက်စားသည့် မြန်မာနိုင်ငံရှိ နေရာ အနည်းငယ်အနက် တစ်နေရာဖြစ်သည်။ ပုလိပ်အင်း အတွင်း အဆိပ် ကြောင့် သေဆုံးရသည့် ငှက်မျိုးများတွင် ဘဲပို့ချတ်လည်း ပါဝင်သဖြင့် ဇီဝမျိုးစုံမျိုးကွဲ ထိန်း သိမ်းကာကွယ်မှုတွင် ကြီးမားသည့် နစ်နာဆုံးရှုံးမှု ဖြစ်ပါသည်။ ဘဲပို့ချတ်သည် မြန်မာနိုင်ငံတွင် လုံးဝကာကွယ်ထားသည့် တောရိုင်းတိရစ္ဆာန်များ တွင် ပါဝင်ပြီး ဇီဝမျိုးစုံမျိုးကွဲ နှင့် သဘာဝထိန်းသိမ်းရေးနယ်မြေများ ကာကွယ်စောင့် ရှောက်ခြင်းဆိုင်ရာ ဥပဒေ၊ ပုဒ်မ ၄၁ (က) အရ သတ်ဖြတ်ခြင်း သို့မဟုတ် အနာတရ ဖြစ်စေ ခြင်းအတွက် အနည်းဆုံးသုံးနှစ်မှ အများဆုံး တစ်ဆယ်နှစ်အထိ ထောင်ဒဏ်ချ မှတ်ရမည့် အပြင် ငွေဒဏ်လည်း ချမှတ်နိုင်သည်။ မြန်မာနိုင်ငံတွင် သဘာဝပတ်ဝန်းကျင် ကောင်းမွန်မှု၊ အစာရေစာရှိခြင်းတို့ကြောင့် ကမ္ဘာ့မြောက်ဖျားမှ မိုင် ထောင်သောင်းချီ၍ လာရောက်သည့် ဧည့်သည်ငှက်များ ၎င်းတို့ မူလ နေရာသို့ ဘေးကင်းစွာ ပြန်သွားနိုင်ရေးအတွက် ပြည်သူတစ်ရပ်လုံးမှ ပူးပေါင်းပါဝင်ရန် လိုအပ်ပါသည်။
![](https://www.forestdepartment.gov.mm/sites/default/files/styles/300x194/public/detail/4_64.jpg?itok=m92UosfR)
![](https://www.forestdepartment.gov.mm/sites/default/files/styles/300x194/public/detail/5_44.jpg?itok=A3TJysb5)
![](https://www.forestdepartment.gov.mm/sites/default/files/styles/300x194/public/detail/6_32.jpg?itok=L-2u02Vx)
![](https://www.forestdepartment.gov.mm/sites/default/files/styles/300x194/public/detail/7_25.jpg?itok=Jsju8cZ2)
![](https://www.forestdepartment.gov.mm/sites/default/files/styles/300x194/public/detail/FB_IMG_1549426288517.jpg?itok=QMzvtXZu)
![](https://www.forestdepartment.gov.mm/sites/default/files/styles/300x194/public/detail/FB_IMG_1549332201846.jpg?itok=1aoTz_oq)