ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေးပို့ ချက်အရ ကျောက်တံခါးမြို့နယ် သစ်တောဦးစီးဌာန၊ ဦးစီးအရာရှိဦးဆောင်သော သစ်တောဝန်ထမ်းများနှင့် မြန်မာနိုင်ငံရဲတပ်ဖွဲ့ဝင်များ၊ သစ်တောလုံခြုံရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် (၁၅-၃-၂၀၁၉)ရက်နေ့ (၁၂:၁၀)နာရီအချိန်တွင် ပဲနွယ်ကုန်း-ကျောက်ကြီးကားလမ်းမိုင်တိုင်အမှတ်(၃/၀) အနီးမှ ယာဉ်အမှတ်(MDY SI/722)တပ်ဆင်ထားသော FUSO (၆)ဘီး(အဖြူရောင်)ယာဉ်ပေါ်မှ တရားမဝင်ပိတောက်ခွဲသား (၄)တန်ကျော်ခန့်အား တရားခံ(၂)ဦးနှင့်အတူ ခက်ခဲစွာဖမ်းဆီးရမိခဲ့ပြီး ဥပဒေနှင့်အညီ အရေးယူနိုင်ရေးစီစဉ်ဆောင်ရွက်လျက်ရှိပါသည်။