ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ်-CMRS ဖြင့် သတင်းပေးပို့ ချက်အရ ၁၈-၃-၂၀၁၉ ရက်နေ့ (၁၂:၃၀)နာရီအချိန်တွင် ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သစ်တောဦးစီးဌာန၊ လက်ထောက်ညွှန်ကြားရေးမှူး ဦးဆောင်သော သစ်တောဝန်ထမ်းများ၊ ပြည်သူ့စစ်အဖွဲ့တပ်ဖွဲ့ဝင်များပါဝင်သော ပူးပေါင်းအဖွဲ့သည် နောင်ချိုမြို့နယ်၊ ကျောင်းကုန်းကျေးရွာအနောက်တောင်ဘက်တောစပ်နေရာ၌ တရားမဝင်သစ်မာသစ်လုံးမျိုးစုံ(၁၆၅)လုံးနှင့် ကန့်ကော်-ဥယျာဉ်ရွာသွားလမ်းအနီးလျှိုအတွင်း၌ တရားမဝင်ပိတောက်ဓါးရွေခန့်မှန်း (၁၂၀)တုံးခန့်တို့အား (ပိုင်ရှင်မဲ့)ဖမ်းဆီးရမိခဲ့၍ တိုင်းတာစစ်ဆေးခြင်းဆောင်ရွက်လျှက်ရှိပြီး ဆက်စပ်တရားခံများအား စုံစမ်းရှာဖွေဖော်ထုတ်၍ဥပဒေနှင့်အညီ ထိရောက်စွာအရေးယူနိုင်ရေးစီစဉ် ဆောင်ရွက်လျက်ရှိပါသည်။