၂၅-၃-၂၀၁၉ ရက်နေ့မှ ၃၁-၃-၂၀၁၉ ရက်နေ့အထိ နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သောစာရင်းများအရ တရားမဝင် ကျွန်း(၁၂၁.၆၈၆၄)တန်၊ သစ်မာ(၇၉.၅၅၃၃)တန်၊ အခြား (၃၉၁.၆၉၇၆)တန်၊ စုစုပေါင်း(၅၉၂.၉၃၇၃)တန်၊ တရားခံ(၄၉)ဦး၊ ယာဉ်/ယန္တရား(၃၃)စီး ဖမ်းဆီးရမိခဲ့ပါသည်။ ဖမ်းဆီးရမိမှုများအနက် အများဆုံး ဖမ်းဆီးရမိမှုမှာ မွန်ပြည်နယ်၊ မော်လမြိုင်ခရိုင်၊ ရေးမြို့နယ်၊ မြို့မဘိနယ်၊ ရေတံခွန်တောင် တောလမ်းဖောက်လုပ်ထားသည့်နေရာမှ တရားမဝင် အခြားသစ် (၆၂) လုံး (၁၅.၅၄၇၂)တန်၊ အခြားခွဲသား(၂၄၁)ချောင်း (၁၃.၆၂၈၂)တန်၊ လုံးပတ် ၃ ပေအောက် အခြားသစ်(၉၁)လုံး (၁၀.၃၂၈၈)တန်၊ မြေကော်စက်(HYUNDAI)(၁)စီး၊ စက်ချို့ယွင်းနေသည့် EH-700 တပ်ဆင်ထားသော (၆)လုံးထိုး နံပါတ်မပါ (၆)ဘီးမော်တော်ယာဉ် (၁)စီး၊ လက်ကိုင် စက်လွှ(၁) လက်တို့အား ပိုင်ရှင်မဲ့ ဖမ်းဆီးရမိခဲ့ပါသည်။