၄-၆-၂၀၁၉ ရက်နေ့တွင် စစ်ကိုင်းတိုင်းဒေသကြီး၊ မုံရွာ/ယင်းမာပင်ခရိုင်၊ ဆားလင်းကြီးမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာ အုပ်ချုပ်ရေးအဖွဲ့ဝင်များပါဝင်သောပူးပေါင်းအဖွဲ့သည် ဆားလင်းကြီးမြိုန့ယ်၊ ပုလဲ-ကျားတက် ကားလမ်းမိုင်တိုင်အမှတ်(၀/၄)နှင့်(၀/၅)ကြား၊ အုတ်တိုက်ကန်အနီးမှ မော်တော်ယာဉ်အမှတ် (MDY 9E/9781) CANTERယာဉ်ပေါ်မှ တရားမဝင် ကျွန်းခွဲသား(၈၄)ချောင်း (၄.၅၇၃၄)တန်၊ တရားခံ(၂)ဦး ဖမ်းဆီးရမိခဲ့ပြီး၊ တရားခံများအား ဥပဒေနှင့်အညီထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်လျက်ရှိပါသည်။