နေပြည်တော်ကောင်စီနယ်မြေ/ တိုင်းဒေသကြီး/ ပြည်နယ်၊ သစ်တောဦးစီးဌာနများမှ ပေးပို့လာ သော စာရင်းများအရ တရားမဝင် ကျွန်း(၁၄၅.၀၅၀၆)တန်၊ သစ်မာ(၅၀.၀၈၇၈)တန်၊ အခြား (၉၄.၀၁၈၀)တန်၊ စုစုပေါင်း(၂၈၉.၁၅၆၄)တန်၊ တရားခံ(၃၅)ဦး၊ ယာဉ်/ယန္တရား(၃၃)စီး ဖမ်းဆီးရမိခဲ့ပါသည်။ဖမ်းဆီးရမိမှုများအနက်များဆုံးဖမ်းဆီးရမိမှုမှာ ၂၉-၇-၂၀၁၉ ရက်နေ့တွင် ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ သံလယ်ကြီးဘိနယ်၊ ရေကျော်ပေါက်၊ မိုင်တိုင် (၁၄၀/၄)မှ အနောက်ဘက်(၁)မိုင်ခန့်အကွာ၊ သနီချောင်းဘေးမှ တရားမဝင် ကျွန်း/ပိတောက်ခွဲသား (၂၉၈) ချောင်း (၅၀.၅၄၉၄)တန်အား ပိုင်ရှင်မဲ့ ဖမ်းဆီးရမိမှုဖြစ်ပါသည်။