၁-၁၂-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ရွှေဘိုခရိုင်၊ သစ်တောဦးစီးဌာနမှ လက်ထောက် ညွှန်ကြားရေးမှူး ဦးဆောင်သော သစ်တောဝန်ထမ်းများ၊ ရွှေဘိုမြို့နယ်၊ ခင်ဦးမြို့နယ်၊ ရေဦးမြို့နယ်၊ ကန့်ဘလူမြို့နယ်၊ တန့်ဆည်မြို့နယ်၊ ကျွန်းလှမြို့နယ် သစ်တောဦးစီးဌာနမှ သစ်တောဝန်းထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သော တရားမဝင်သစ်နှင့် သစ်တောထွက်ပစ္စည်းများ ရှာဖွေ ဖော်ထုတ်ဖမ်းဆီးရေးအဖွဲ့သည် ကျွန်းလှမြို့နယ်၊ ယဘင်းကြိုးဝိုင်း အကွက်အမှတ်(၃၃)၊ ပြောင်သွယ် ကြိုးဝိုင်းအကွက်အမှတ်(၆၃)၊ မိုင်းဝန်းကြိုးဝိုင်းအကွက်အမှတ် (၁၁၆) အတွင်းတို့မှ တရားမဝင် ကျွန်း/ ပျဉ်းကတိုး/ သစ်ယာ/ အင်/ယမနေ သစ်/ခွဲသား/ခွဲခြမ်း (၉၆၇)လုံး/ ချောင်း/ ခြမ်း (၂၁.၀၆၁၄)တန်အား သစ်စက်၊ ဆက်စပ်ပစ္စည်းများနှင့်အတူ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက် လျက်ရှိပါသည်။