(၁၀-၂-၂၀၂၅) ရက်၊ တနင်္လာနေ့ (၁၀:၀၀) နာရီတွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်တွင်း/ပြည်ပနိုင်ငံများမှ သင်တန်း/အလုပ်ရုံဆွေးနွေးပွဲများ တက်ရောက်ခဲ့ကြသည့် သစ်တောဝန်ထမ်းများ၏ အတွေ့အကြုံနှင့် ဗဟုသုတများ ပြန်လည်မျှဝေခြင်းဆိုင်ရာ Knowledge Sharing Presentation အစီအစဉ်ကျင်းပခဲ့ရာ ဦးဆန်းမြင့်ထွန်း(ဒုတိယညွှန်ကြားရေးမှူး၊ သဘာဝဝန်းကျင်နှင့်သားငှက်တိရစ္ဆာန်ထိန်းသိမ်းရေးဌာန)က သဘာပတိအဖြစ် ဆောင်ရွက်ခဲ့ပါသည်။ အစီအစဉ်အရ၊ ဦးစီးအရာရှိ ဒေါက်တာဖြူဖြူသင်းမှ တရုတ်ပြည်သူ့သမ္မတနိုင်ငံတွင်ပြုလုပ်သည့် သစ်တောစီးပွားရေးနှင့် စီမံအုပ်ချုပ်မှုဆိုင်ရာပါရဂူဘွဲ့တက်ရောက်မှုအားလည်းကောင်း၊ တောအုပ်ကြီး ဒေါ်စန္ဒာချစ်ကြည်က ဗီယက်နမ်နိုင်ငံတွင်ပြုလုပ်သည့် သစ်တောအပေါ်မှီခို၍ လူထုအခြေပြုသည့် အသက်မွေးဝမ်းကျောင်း လုပ်ငန်းအတွက် ဝါး၊ကြိမ်လုပ်ငန်းဆိုင်ရာ နည်းပညာနှီးနှောဖလှယ်ပွဲ တက်ရောက်မှုအားလည်းကောင်းအသီးသီးရှင်းလင်းတင်ပြကြရာ တက်ရောက်လာသူများ၏ မေးခွန်းမေးမြန်းမှုများအပေါ် ပြန်လည်ဆွေးနွေးဖြေကြားခဲ့ကြောင်းသိရှိရပါသည်။