နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင် ကျွန်း (၁၃၄.၉၈၈၆)တန်၊ သစ်မာ (၂၃.၀၅၄၄)တန်၊ အခြား (၄၁.၂၉၅၈)တန်၊ စုစုပေါင်း (၁၉၉.၃၃၈၈)တန်၊ တရားခံ (၂၈)ဦး၊ ယာဉ်/ ယန္တရား (၉)စီး ဖမ်းဆီးရမိခဲ့ပါသည်-ဖမ်းဆီးရမိမှုများအနက် အများဆုံး ဖမ်းဆီးရမိမှုမှာ ၁၈-၆-၂၀၂၂ ရက်နေ့တွင် ပဲခူး တိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ သံလယ်ကြီးဘိနယ်၊ ပုသိမ်-မုံရွာလမ်း မိုင်တိုင်အမှတ် (၁၄၂/၀)မိုင်မှ အနောက်ဘက် (၃)မိုင်ခန့်အကွာ၊ သနီချောင်းဘေး နေရာမှ တရားမဝင် ကျွန်း/ ပျဉ်းကတိုးခွဲသား (၄၂၃)ချောင်း (၅၉.၈၅၁၂)တန်အား ပိုင်ရှင်မဲ့ ဖမ်းဆီးရမိမှုဖြစ်ပါသည်-