တနင်္သာရီသဘာဝကြိုးဝိုင်းလုပ်ငန်းစီမံကိန်း၏ ဆဌမအကြိမ်မြောက် အုပ်ချုပ်လုပ်ကိုင်မှု စီမံချက် (OMP VI) နှင့်ပတ်သတ်၍ Stakeholder Consultation Meeting ကို ၃-၂-၂၀၂၆ ရက် (အင်္ဂါနေ့) နံနက် (၁၁း၀၀) နာရီအချိန်တွင် သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်း ခန်းမ၌ ကျင်းပရာ ညွှန်ကြားရေးမှူးချုပ်၊ ဒေါက်တာသောင်းနိုင်ဦး တက်ရောက်အဖွင့်အမှာစကား ပြောကြားသည်။ အစည်းအဝေးသို့ သစ်တောဦးစီးဌာနမှ ဒုတိယညွှန်ကြားရေးမှူးချုပ် ဦးဖေချစ်နှင့် တာဝန်ရှိသူများ၊ ဆက်စပ်ဌာနများ၊ မိတ်ဖက်ဌာနများ နှင့် NGOs/ INGOs များမှ ကိုယ်စားလှယ်များ တက်ရောက်သည်။
ဦးစွာ သစ်တောဦးစီးဌာန ညွှန်ကြားရေးမှူးချုပ်မှ အဖွင့်အမှာစကားပြောကြားပြီးနောက် တနင်္သာရီသဘာဝကြိုးဝိုင်းလုပ်ငန်းစီမံကိန်း၏ ပဉ္စမအကြိမ်မြောက်အုပ်ချုပ်လုပ်ကိုင်မှုစီမံချက် (OMP V) ကာလ၏ လုပ်ငန်းဆောင်ရွက်မှုမှတ်တမ်းအား video clip ဖြင့်ပြသသည်။ နေ့လယ်ပိုင်းအစီအစဉ် တွင် တနင်္သာရီသဘာဝကြိုးဝိုင်းလုပ်ငန်းစီမံကိန်း၏ ဆဌမ(၄)နှစ်တာ အုပ်ချုပ်လုပ်ကိုင်မှုစီမံချက် (မူကြမ်း)အပေါ် တက်ရောက်လာသူများမှ သက်ဆိုင်ရာကဏ္ဍများအလိုက် အုပ်စုဖွဲ့၍ ဝိုင်းဝန်းဆွေးနွေးခဲ့ ကြပြီး လိုအပ်သည်များ ဖြည့်စွက်ခဲ့ကြောင်းသတင်းရရှိသည်။