သစ်တောဦးစီးဌာန၊ညွှန်ကြားရေးမှူးချုပ်ဒေါက်တာသောင်းနိုင်ဦးမှ FD-AFoCO Model Forest စီမံကိန်း၏ သီးနှံသစ်တောရောနှောစိုက်ပျိုးခြင်းသရုပ်ပြကွက်၊သစ်မျိုးစုံကွက်လပ်ဖြည့်စိုက်ပျိုးခြင်းသရုပ်ပြကွက်နှင့်သစ်မျိုးစုံစိုက်ခင်းတည်ထောင်ထားရှိမှုအခြေအနေများကွင်းဆင်းစစ်ဆေး
သစ်တောဦးစီးဌာန၊ ညွှန်ကြားရေးမှူးချုပ်၊ ဒေါက်တာသောင်းနိုင်ဦးသည် (၂၂.၆.၂၀၂၄)ရက်နေ့၊ စနေနေ့တွင် လေ့ကျင့်ရေးနှင့်သုတေသနဖွံ့ဖြိုးရေးဌာန၊ သစ်တော ဦးစီးဌာနမှ ညွှန်ကြားရေးမှူး ဦးတင့်ခိုင်နှင့် ပဲခူးတိုင်းဒေသကြီး၊သစ်တောဦးစီးဌာန၊ ညွှန်ကြားရေးမှူး၊ ဦးချစ်ဦး(၂)တို့လိုက်ပါ၍ FD-AFoCO Model Forest စီမံကိန်းမှ အကောင်အထည်ဖော်ဆောင်ရွက်လျက်ရှိသည့် ပဲခူးတိုင်းဒေသကြီး၊ ပဲခူးမြို့နယ်၊ စလူကြိုး ဝိုင်း၊ အကွက်အမှတ်(၂၄၁)၊ ဝါးကတုတ်ပျိုးဥယျာဉ်တွင် သီးနှံသစ်တောရောနှော စိုက်ပျိုးခြင်း (Four Stories) သရုပ်ပြကွက် (၂)ဧက၊ သစ်တောသစ်ပင်နှင့် သီးပင်စားပင်ပေါင်း (၁၃၈၄) ပင် စိုက်ပျိုးပြီးစီးမှု၊ သစ်မျိုးစုံကွက်လပ် ဖြည့်စိုက်ပျိုးခြင်း (၃.၆)ဧက၊ စိုက်ပျိုးပင်ပေါင်း (၂၂၀)ပင် စိုက်ပျိုးပြီးစီးမှုနှင့် ပဲခူးတိုင်းဒေသကြီး၊ ဒိုက်ဦးမြို့နယ်၊ ရန်ကုန်-မန္တလေး အမြန်လမ်း၊ မိုင်တိုင်အမှတ် (၆၉/၁ နှင့် ၆၉/၂ ကြား)တွင် သစ်မျိုးစုံစိုက်ခင်း (၈)ဧက၊ အပင်ပေါင်း (၄၃၂၀)ပင် စိုက်ပျိုးရန် ဆောင်ရွက်ထားရှိမှု အခြေအနေများကို ကွင်းဆင်းစစ်ဆေးခဲ့ပြီး သစ်တောဦးစီးဌာနမှ တာဝန်ရှိသူများ၏ တင်ပြချက်များအပေါ် လိုအပ်သည်များ လမ်းညွှန်မှာကြားခဲ့ကြောင်း သိရှိရသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီး ဌာနသည် ကိုရီးယားသမ္မတနိုင်ငံ၊ အာရှဒေသသစ်တောကဏ္ဍဆိုင်ရာ ပူးပေါင်းဆောင်ရွက် ရေးအဖွဲ့ (Asian Forest Cooperation Organization – AFoCO) ၏ ရန်ပုံငွေအထောက် အပံ့ဖြင့် “သစ်တောများအား မှီခိုနေထိုင်သူများ၏ လူမှုဘဝဖွံ့ဖြိုးတိုးတက်စေရန်အတွက် သစ်တောထိန်းသိမ်းခြင်းနှင့် ဒေသခံပြည်သူအခြေပြုစီးပွားရေးလုပ်ငန်း များဖွံ့ဖြိုးမှုဆိုင်ရာ စံပြသစ်တော တည်ထောင်ခြင်းစီမံကိန်း (FD-AFoCO Model Forest Project)” ကို ၂၀၂၀ ပြည့်နှစ်၊ ဒီဇင်ဘာလမှစတင်၍ ၂၀၂၅ ခုနှစ်၊ မတ်လအထိ အကောင်အထည်ဖော် ဆောင်ရွက် လျက်ရှိရာ ပဲခူးတိုင်းဒေသကြီးတွင် သီးနှံသစ်တောရောနှောစိုက်ပျိုးခြင်း (Four Stories)၊ သစ်မျိုးစုံကွက်လပ်ဖြည့် စိုက်ပျိုးခြင်းနှင့် သစ်မျိုးစုံစိုက်ခင်းတည်ထောင်ခြင်းလုပ်ငန်းများကို ဆောင်ရွက်လျက်ရှိကြောင်းသတင်းရရှိပါသည်။
![](https://www.forestdepartment.gov.mm/sites/default/files/styles/300x194/public/detail/IMG-29902db3ce6d3dd1ff699596c43cf5d4-V.jpg?itok=Moj9qbsX)
![](https://www.forestdepartment.gov.mm/sites/default/files/styles/300x194/public/detail/IMG-24956f0b8b1ac007f15095ffe39c1eac-V.jpg?itok=3Uxgkt1Z)
![](https://www.forestdepartment.gov.mm/sites/default/files/styles/300x194/public/detail/IMG-6727a9f3eab03f9f6234ed235c9e2e37-V.jpg?itok=6nJij2Dt)
![](https://www.forestdepartment.gov.mm/sites/default/files/styles/300x194/public/detail/IMG-d79705a47e594d32918d4eebcf93399c-V.jpg?itok=7-WPFQHH)
![](https://www.forestdepartment.gov.mm/sites/default/files/styles/300x194/public/detail/IMG-65209ceb39f315d22013898472564a31-V.jpg?itok=p08UcW3h)
![](https://www.forestdepartment.gov.mm/sites/default/files/styles/300x194/public/detail/IMG-f477842f8b8b63c3cadf9b1bdf9e7064-V.jpg?itok=XOUN9XI_)