သစ်တောသစ်ပင် စိုက်ပျိုးခြင်း၊ ပြုစုထိန်းသိမ်းခြင်းတို့ကို ပြည်သူလူထုအတွင်း နိုးကြားသော အသိစိတ်ဓာတ် ရှင်သန်စေရေးအတွက် ၂၀၂၄ ခုနှစ်၊ မိုးရာသီသစ်ပင်စိုက်ပျိုးပွဲ ကို ရန်ကုန်တိုင်းဒေသကြီး၊ မရမ်းကုန်းမြို့နယ်၊ အ.ထ.က(၃)၊ အခြေခံပညာအထက်တန်း ကျောင်း တွင်(၁၅-၇-၂၀၂၄)ရက်နေ့၊ နံနက်(၀၉:၃၀)နာရီအချိန်၌ သစ်တောဦးစီးဌာနမှ ဦးဆောင်၍ ကျင်းပပြုလုပ်ရာ ကျောင်းအုပ်ဆရာမကြီး ဒေါ်သန်းသန်းဦးနှင့် ဆရာ/ဆရာမ (၁၄)ဦး၊ ကျောင်းသား/ကျောင်းသူ(၂၄၀) ဦး၊သစ်တောဦးစီးဌာန ဝန်ထမ်း(၇)ဦး၊ စုစုပေါင်း (၂၆၁)ဦး တက်ရောက်၍ ကျွန်း(၂၀)ပင်၊ မဟော်ဂနီ (၂၀)ပင်၊ ပိတောက်(၂၀)ပင်၊ ခရေ (၂၀)ပင်၊ ပျဉ်းကတိုး(၂၀)ပင်၊ ငု(၂၀)ပင်၊ ထိုင်ဝမ်ဗန်ဒါ(၃၀)ပင်၊ စုစုပေါင်း(၁၅၀)ပင် ကို စုပေါင်းစိုက်ပျိုးခဲ့ပြီး ဦးစီးအရာရှိ ဦးကျော်မျိုးသူက သစ်ပင်စိုက်ပွဲ တက်ရောက်လာသူ များကို သစ်တောသစ်ပင်များ၏တန်ဖိုးကို သိရှိနားလည် စေရန်နှင့် သစ်ပင်များစနစ်တကျ စိုက်ပျိုးပြုစုတတ်စေရန် နမူနာသရုပ်ပြစိုက်ပျိုးပြသခဲ့ပါကြောင်း သိရှိရပါသည်။