မိုးရာသီ သစ်ပင်စိုက်ပျိုး၊ ပြုစု၊ ထိန်းသိမ်းရေး အသိပညာဟောပြောပွဲနှင့်စုပေါင်းသစ်ပင်စိုက်ပွဲနှင့် talk show ကျင်းပ
မန္တလေးတိုင်းဒေသကြီး၊ ရမည်းသင်း ခရိုင်/မြို့နယ် သစ်တော ဦးစီးဌာနမှ ကြီးမှူး ကျင်းပသော မိုးရာသီ သစ်ပင်စိုက်ပျိုး၊ပြုစု၊ထိန်းသိမျးရေးအသိပညာပေးဟောပွဲကို (၂၂-၇-၂၀၂၄)ရက်နေ့၊ နံနက်(၁၀:ဝဝ)နာရီအချိန်တွင် ရမည်းသင်းမြို့ အမှတ်(၁)အခြေခံပညာ အထက်တန်းကျောင်း အနော်ရထာ ခန်းးမ၌ ကျင်းပပြုလုပ်သည်။
ရှေးဦးစွာ ရမည်းသင်း ခရိုင်သစ်တောဦးစီးဌာန၊ လက်ထောက် ညွှန်ကြားရေးမှူး ဦးသိန်းသန်းထွန်းက ''၂၀၂၄ ခုနှစ် သစ်တောသစ်ပင် စိုက်ပျိုးပြုစုထိန်းသိမ်းရေးနင့်ဇီဝမျိုးစုံ မျိုးကွဲများထိန်းသိမ်းရေးနင့် ဆင်အကြောင်းသိကောင်းစရာ ဗဟုသုတအဖြာဖြာကို ရှင်းလင်း ဆွေး နွေးပြောကြားသည်။
ထို့နောက် ခရိုင်သစ်တောဦးစီးဌာန၊ဦးစီးအရာရှိ ဦးမျိုးအောင်မှ သစ်တော၊ သစ်ပင်များပေးစွမ်းသည့်အကျိုးကျေးဇူးများ၊ ပရိုဂျက်တာဖြင့် ရှင်းလင်းပြောကြားပြီး မြို့နယ် သစ်တောဦးစီးဌာန၊ ဦးစီးအရာရှိ ဦးငြိမ်းချမ်း-၄ မှ မြန်မာနိုင်ငံ၏ ရေဝေရေလဲဒေသများ ထိန်းသိမ်းနှင့် သစ်တောများမှ ရရှိသည့်အကျိုးကျေးဇူးများကို ပရိုဂျက်တာဖြင့်အသိပညာပေး ဟောပြော ဆွေးနွေးပြီး ကျောင်းသား/ကျောင်းသူများမှ သိလိုသည်များကို ပြန်လည်မေးမြန်း ရာ တာဝန်ရှိသူများမှ အသေးစိတ်ပြန်လည် ဖြေကြားကာအသိပညာပေး လက်ကမ်းစာစောင် (၁၅၀)စောင်ကိုဖြန့်ဝေပေးအပ်ခဲ့ကြောင်းသိရှိရပါသည်။
ဆက်လက်၍ မွန်းတည့် ၁၂နာရီ က ရမည်းသင်းခရိုင် ပြန်ကြားရေးနှင့်ပြည်သူ့ ဆက်ဆံရေး ဦးစီးဌာန၊ လူထုအခြေပြုဗဟိုဌာန၌ မိုးရာသီ သစ်ပင်စိုက်ပျိုး၊ပြုစု၊ထိန်းသိမ်းရေးအသိပညာ talk show ကို အများပြည်သူများသိရှိစေရန် ရိုက်ကူးထုတ်လွင်ခဲ့ပါသည်။ထို့နောက်
ညနေ ၂နာရီ တွင် ခရိုင်နှင်မြို့နယ် သစ်တောဦးစီးဌာန ခရိုင်ဦးစီးမှူးနှင့်သစ်တော ဝန်ထမ်းများ၊ အထက(၁) ကျောင်းအုပ်ဆရာမကြီး ဒေါ်လဲ့လဲ့ဝင်း၊ ဆရာ၊ဆရာမများနှင့် ကျောင်းသားကျောင်းသူများမှ စုပေါင်း၍ ကျောင်းဝန်းအတွင်း ကျွန်း (၂၀)ပင်၊ ပိတောက် (၈)ပင်၊ စကားဝါ (၆)ပင်၊ သပြေဘူတ (၃၀)ပင်၊ ငုရွှေဝါ (၇)ပင်၊ ကရမက် တစ်ပင်၊ရေတမာ (၃)ပင်စုစုပေါင်း (၇၅) ပင်စိုက်ပျိုးခဲ့ကြောင်းသတင်းရရှိသည်။
![](https://www.forestdepartment.gov.mm/sites/default/files/styles/300x194/public/detail/IMG-d5a19d14fcb5a88eb43a9360081d76ce-V.jpg?itok=ixESVQf9)
![](https://www.forestdepartment.gov.mm/sites/default/files/styles/300x194/public/detail/IMG-bfd376a01799d602a6ceb01d05f00007-V.jpg?itok=tafsHYWO)
![](https://www.forestdepartment.gov.mm/sites/default/files/styles/300x194/public/detail/IMG-e6a454aff057e0ea450937ef6ad57a63-V.jpg?itok=YhciQ62U)
![](https://www.forestdepartment.gov.mm/sites/default/files/styles/300x194/public/detail/IMG-def2f604888cd97b44185ac4d4640b72-V.jpg?itok=pd22uVlY)
![](https://www.forestdepartment.gov.mm/sites/default/files/styles/300x194/public/detail/IMG-324c9a2d3ea48964c2f296a9ef61724e-V.jpg?itok=5abTsH1h)
![](https://www.forestdepartment.gov.mm/sites/default/files/styles/300x194/public/detail/IMG-7eaaf987571abfe90687c6f50d500e67-V.jpg?itok=3Yn6fIsx)
![](https://www.forestdepartment.gov.mm/sites/default/files/styles/300x194/public/detail/IMG-324c9a2d3ea48964c2f296a9ef61724e-V_0.jpg?itok=aovDUyd2)