၂၀၂၄ ခုနှစ်၊ အပြည်ပြည်ဆိုင်ရာဒီရေတောဂေဟစနစ်များထိန်းသိမ်ရေးနေ့အထိမ်းအမှတ် အခမ်းအနားဒုတိယအပိုင်းအဖြစ် “ဒီရေတောထိန်းသိမ်းရေးကဏ္ဍဖွံ့ဖြိုးတိုးတက်ရေး ဆွေးနွေးပွဲ ကို (၂၆.၇.၂၀၂၄) ရက်နေ့ နေ့လည်ပိုင်းတွင် သစ်တောဦးစီးဌာန အင်ကြင်းခန်းမ၌ ဆက်လက် ကျင်းပပြုလုပ်ပါသည်။
ဆွေးနွေးပွဲတွင် ဦးတင့်ခိုင်(ညွှန်ကြားရေးမှူး)၊ လေ့ကျင့်ရေးနှင့်သုတေသနဖွံဖြိုးရေးဌာန က သဘာပတိအဖြစ်ဆောင်ရွက်ပြီး ဒီရေတောစိုက်ပျိုးထိန်းသိမ်းရေးကဏ္ဍဖွံ့ဖြိုးတိုးတက်ရေးနှင့် ဒီရေတောစီမံအုပ်ချုပ်ခြင်းအထူးပြုလေ့လာသူများဖြစ်သော ဒေါက်တာသင်းသင်း (လက်ထောက် ညွှန်ကြားရေးမှူး) မှ RS နှင့် GIS နည်းပညာအသုံးပြု၍ ဒီရေတောဖုံးလွမ်းမှုအား ဆန်းစစ် လေ့လာခြင်း၊ ဦးဖြိုးသက်နိုင် (ဦးစီးအရာရှိ) မှ Drone နှင့် AI နည်းပညာအသုံးပြု၍ ဒီရေတော ထိန်းသိမ်းခြင်း၊ ဒေါက်တာဆုစန္ဒာအောင် (ဦးစီးအရာရှိ) မှ ကမ်းရိုးတန်းရေဝပ်ဒေသများ၏ ဇီဝ မျိုးစုံမျိုးကွဲများ စီမံအုပ်ချုပ်ခြင်း၊ ဒေါက်တာဝင်းမောင်အေး (လက်ထောက်ညွှန်ကြားရေးမှူး) မှ ဒီရေတောအတွင်း စွန့်ပစ်လယ်မြေများကို ဘက်စုံစိုက်ပျိုးတည်ထောင်ခြင်း၊ ဒေါ်ဝေမွန်သက် (တောအုပ်ကြီး) မှ ဒေသခံပြည်သူအခြေပြု ဒီရေတောများတည်ထောင်ထိန်းသိမ်းခြင်းဆိုင်ရာ ဆန်းစစ်လေ့လာခြင်း၊ ဒေါက်တာယုယအေး (လက်ထောက်ညွှန်ကြားရေးမှူး)မှ ကာဗွန်ဈေးကွက် နှင့် ဒီရေတောကာဗွန်သိုလှောင်မှုများနှင့် ဒေါ်ခြူးသဉ္ဇာဉာဏ် (ဦးစီးအရာရှိ) မှ မြန်မာနိုင်ငံ နိုင်ငံ အဆင့် ပင်လယ်ကမ်းရိုးတန်းသယံဇာတဘက်စုံစီမံအုပ်ချုပ်ခြင်းအစီအစဉ် စာတမ်းတို့ကိုအသီးသီး ရှင်းလင်းတင်ပြကြပါသည်။ ဆက်လက်၍ စကားဝိုင်းဆွေးနွေးခြင်း (Panel Discussion) ဆက်လက်ကျင်းပပြီး တက်ရောက်လာသူများ၏ မေးမြန်းချက်များကို စာတမ်းရှင်များက ပြန်လည်ဖြေကြား ဆွေးနွေးခဲ့ကြပါသည်။
ထို့နောက်သစ်တောဦးစီးဌာန၊ ညွှန်ကြားရေးမှူးချုပ်ဒေါက်တာသောင်းနိုင်ဦးက နိဂုံးချုပ် အမှာစကားပြောကြားခဲ့ပြီး အခမ်းအနားရုပ်သိမ်းခဲ့ပါသည်။အခမ်းအနားသို့ သစ်တောဦးစီးဌာန ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အစိုးရမဟုတ် သော အဖွဲ့အစည်းများမှ ကိုယ်စားလှယ်များ၊ နိုင်ငံအဆင့်ပင်လယ်ကမ်းရိုးတန်း သယံဇာတစီမံ အုပ်ချုပ်လုပ်ငန်းကော်မတီဝင်ဌာနများမှ ကိုယ်စားလှယ်များ၊ တက္ကသိုလ်များမှ ဆရာ/ ဆရာမ များနှင့် ကျောင်းသား/ကျောင်းသူများ၊ သစ်တောဦးစီးဌာနမှ အရာထမ်း/အမှုထမ်းများ တက် ရောက်ခဲ့ကြပါသည်။