ကွေးတိုင်းဒေသကြီး၊ သရက်ခရိုင်၊ ကံမမြို့နယ်၊သစ်တောဦးစီးဌာနမှ(၉-၇-၂၀၂၆)ရက်နေ့(၁၄:၀၀)နာရီအချိန် ကံမမြို့၊"မျိုးရာဇာ"ကိုယ်ပိုင်​ကျောင်းတွင်"မိုးရာသီသစ်ပင်စိုက်ပျိုးရေး ၊သစ်တော၊ဇီဝမျိုးစုံမျိုးကွဲ နှင့်ပတ်ဝန်းကျင်ထိန်းသိမ်းရေး"ဆိုင်ရာအသိပညာပေးဟောပြောပွဲ ကျင်းပပြုလုပ်ခဲ့ရာ ကံမမြို့နယ်၊သစ်တောဦးစီးဌာနမှူးရုံးမှ ဦးထွန်းနိုင်သန်း (တောအုပ်ကြီး)က သစ်တောသစ်ပင်များ၏အ​ရေးပါပုံ၊သစ်ပင်များစိုက်ပျိုးခြင်းဖြင့်ရရှိ​သောအကျိုး​ကျေးဇူးများ၊သစ်ပင်များမှလူသားနှင့်ပတ်ဝန်းကျင်အ​ပေါ်အကျိုးသက်​ရောက်မှုများ၊သစ်​တောသစ်ပင်များတည်ရှိခြင်းဖြင့်ရရှိ​သောအကျိုး​ကျေးဇူးများ၊သစ်ပင်များမှ​မြေဆီလွှာအ​ပေါ်အကျိုးပြုပုံများကို​အသိပညာ​ပေးဟော​ပြောပြီး​ ဦး​ကျော်ထက်နိုင်(​တောအုပ်ကြီး)ကဇီဝမျိုးစုံမျိုးကွဲများအ​ကြောင်းသိ​ကောင်းစရာများ၊သစ်တောများပြုန်းတီးမှု​ကြောင့်ယခုလက်ရှိတွေ့ကြုံ​နေရသည့်ဆိုးကျိုးများနှင့်သဘာဝပတ်ဝန်းကျင်နှင့်ဇီဝမျိုးစုံမျိုးကွဲများထိန်းသိမ်း​ရေးအတွက် သစ်ပင်သစ်​တောများစိုက်ပျိုးပြုစုထိန်းသိမ်းကြရန်လိုအပ်ကြောင်း၊စာသင်ကျောင်း ပတ်ဝန်းကျင်စိမ်းလန်းစိုပြည်ရန်​ ကျောင်းသား၊ကျောင်းသူများမှ ကိုယ်တိုင်ပူးပေါင်းပါဝင် ဆောင်ရွက်သွားရန်​ဟောပြောဆွေးနွေးခဲ့ပါသည်။ တက်ရောက်လာသော ကျောင်းသား/သူများမှ သိလိုသည်များ မေးမြန်းမှုများကို ပြန်လည်ရှင်းလင်းဖြေကြားပြီးလက်ကမ်းစာ​စောင်များဖြန့်​ဝေခဲ့ပါသည်။ဟောပြောပွဲသို့ ကံမမြို့နယ်၊သစ်တောဦးစီးဌာနမှူးရုံးမှဝန်ထမ်း(၃)ဦး၊နှင့်"မျိုးရာဇာ"ကိုယ်ပိုင်​ကျောင်းမှ​ကျောင်းသား/​ကျောင်းသူ ဆရာ/ဆရာမကျား( ၂၇)ဦး၊ ​မ(၄၅)ဦး စုစုပေါင်း (၇၂ )ဦး တက်ရောက်ခဲ့ပါကြောင်း သတင်းရရှိသည်။