Welcome to Forest Department
No front page content has been created yet.
သတင်းနှင့်ကြေငြာချက်များ
နော်ဝေဘုရင့်နိုင်ငံတော်အစိုးရနှင့် ပြည်ထောင်စုသမ္မတ မြန်မာနိုင်ငံတော် အစိုးရတို့ကြား ၂၀၁၄ ခုနှစ်၊ ဒီဇင်ဘာလ (၁) ရက်နေ့တွင် လက်မှတ်ရေး ထိုးခဲ့သော နားလည်မှုစာချွန်လွှာ အရ နော်ဝေနိုင်ငံ၊ နိုင်ငံခြားရေးဝန်ကြီးဌာနနှင့် မြန်မာနိုင်ငံ၊ သယံဇာတနှင့် သဘာဝပတ်ဝန်းကျင်ထိန်း သိမ်းရေးဝန်ကြီးဌာနတို့အကြား သဘာဝပတ်ဝန်းကျင်ထိန်းသိမ်းရေးနှင့်ဖွံ့ဖြိုးတိုးတက်မှုဆိုင်ရာ ပူးပေါင်းဆောင်ရွက်ရေးသဘောတူညီချက်တစ်ရပ်ကို ၂၀၁၅ ခုနှစ်၊ အောက်တိုဘာလ (၁၅) ရက် တွင် လက်မှတ်ရေးထိုးခဲ့ကြပါသည်။ အဆိုပါသဘောတူညီချက်အရ စီမံကိန်း (၃) ခု ဆောင်ရွက် လျက်ရှိပြီး ၎င်းတို့အနက်မှ ရေသယံဇာတအရင်းအမြစ်များ ဘက်စုံစီမံအုပ်ချုပ်ခြင်း(IWRM) -စွမ်းဆောင်ရည်မြှင့်တင်ခြင်းနှင့် သင်တန်းပေးခြင်း စီမံကိန်းကို သစ်တောဦးစီးဌာနနှင့် နော်ဝေ နိုင်ငံရေသုတေသနဌာန (NIVA) တို့ပူးပေါင်းဆောင်ရွက်လျက်ရှိပါသည်။ ၎င်းစီမံကိန်းကို နိုင်ငံအဆင့် ကုန်းတွင်းရေသယံဇာတအရင်းအမြစ်များ ဘက်စုံစီမံအုပ်ချုပ်သည့်စနစ်တစ်ခု ပေါ်ထွန်းလာစေခြင်း၊ အမျိုးသားအဆင့် ရေဆိုင်ရာအခြေခံမူဘောင် လမ်းညွှန်နှင့်အညီ ရေသယံ ဇာတအရင်းအမြစ်များအား စီမံအုပ်ချုပ်ခြင်း စသည့်ရည်ရွယ်ချက်များဖြင့် ဆောင်ရွက်ခြင်း ဖြစ်ပါသည်။
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအောက်ရှိ သစ်တောဦးစီးဌာန သည် နိုင်ငံတော်၏ လူမှုစီးပွားဘဝ ဖွံ့ဖြိုးတိုးတက်စေရေးနှင့် သဘာဝသစ်တောသယံဇာတများ ထာဝစဉ် ဖွံ့ဖြိုးတိုးတက်စေရေးအတွက် တရားမဝင် သစ်တောထွက်ပစ္စည်း ခိုးယူထုတ်လုပ်မှုများ ပပျောက်စေရန် တရားမဝင်သစ်ရှာဖွေဖော်ထုတ်ဖမ်းဆီးလျက်ရှိသည့် နည်းလမ်း(၅)ခုဖြစ်သော စီမံချက်ချမှတ်ဖမ်းဆီးခြင်း၊ သတင်းရယူစုံစမ်း ဖော်ထုတ်ဖမ်းဆီးခြင်း၊ ပြည်သူလူထု/ မိတ်ဖက် အဖွဲ့အစည်းများနှင့် ပူးပေါင်းဖမ်းဆီးခြင်း၊ ပုံမှန်အစီအစဉ်ဖြင့်ဖမ်းဆီးအရေးယူခြင်း၊ ပြည်ပသို့ ခိုးယူသယ်ဆောင်နိုင်သည့်လမ်းကြောင်းများ၌ ပိတ်ဆို့ဖမ်းဆီးခြင်းတို့ကို တပ်မတော်၊ မြန်မာနိုင်ငံ ရဲတပ်ဖွဲ့၊ အခြားဌာန ဆိုင်ရာများ၏ ပူးပေါင်းပါဝင်မှုဖြင့် တိုင်းဒေသကြီးနှင့် ပြည်နယ်များအတွင်း အရှိန်အဟုန်ဖြင့် စဉ်ဆက်မပြတ် ဆောင်ရွက်လျက်ရှိရာ ယခင်နှစ် ၂၀၁၅- ၂၀၁၆ ခုနှစ်အတွင်း တစ်နိုင်ငံလုံး အတိုင်းအတာအနေဖြင့် တရားမဝင်သစ်မျိုးစုံ - ၄၆၁၅၃.၀၅၈၄ တန်ဖမ်းဆီးရမိခဲ့ပါ သည်။
တိုင်းဒေသကြီးနှင့် ပြည်နယ်များအတွင်း တရားမဝင်သစ်နှင့် သစ်တောထွက်ပစ္စည်းများအား အရှိန်အဟုန်မြှင့်၍ စဉ်ဆက်မပြတ် ဖမ်းဆီး အရေးယူဆောင်ရွက်လျက်ရှိပါသည်။
သုတေသနလက်ထောက်(၃)၊ပညာရှင်အဆင့်(၂) ခုံအမှတ်နှင့် ဖြေဆိုခွင့်ရရှိသူများစာရင်း
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ သစ်တောဦးစီးဌာန၏ ၂၀၁၆ ခုနှစ်၊ သြဂုတ် ၁၈ ရက်စွဲဖြင့် မြန်မာ့အလင်းသတင်းစာနှင့်ကြေးမုံ သတင်းစာများမှ ခေါ်ယူထားသည့် သစ်တောဦးစီးဌာနတွင် လစ်လပ်လျက်ရှိသော သုတေသနလက်ထောက်(၃) (လစာနှုန်း ကျပ် ၁၆၅၀၀၀ - ၂၀၀၀ - ၁၇၅၀၀၀) ရာထူး (၄) နေရာအတွက် လျှောက်လွှာတင်ထားသည့် ပုဂ္ဂိုလ်များကို ရေဆင်း၊ သစ်တောသုတေသနဌာန၊ စုဝေးခန်းမတွင် ရေးဖြေစာမေးပွဲ စစ်ဆေးမည်ဖြစ်ပါသည်။