Welcome to Forest Department
No front page content has been created yet.
သတင်းနှင့်ကြေငြာချက်များ
၃-၅-၂၀၂၀ ရက်နေ့တွင် ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မဘိမ်းမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ နယ်မြေလုံခြုံရေး တပ်စု(၁)မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မဘိမ်းမြို့နယ်၊ ကုန်းမခံကျေးရွာ၏ အရှေ့ဘက် (၂)မိုင်ခန့်အကွာမှ တရားမဝင် ကျွန်းခွဲသား (၂၃၀)ချောင်း (၁၀.၇၂၉၀)တန် ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။
၂-၅-၂၀၂၀ ရက်နေ့တွင် ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ပန်းတောင်းမြို့နယ်၊ ညောင်ခြေထောက်ကျေးရွာ ပတ်ဝန်းကျင်မှ တရားမဝင် ကျွန်း/ ပျဉ်းကတိုး/ သစ်ယာ/ အင် သစ်/ ခွဲသား (၃၉၈)လုံး/ချောင်း (၄၈.၇၉၆၈)တန် ဖမ်းဆီးရမိခဲ့ပြီး ဆက်စပ် ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာအရေးယူနိုင်ရေး စီစဉ်ဆောင်ရွက်လျက်ရှိပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၃-၅-၂၀၂၀ ရက်နေ့တွင် နေပြည်တော်ကောင်စီနယ်မြေ၊ ဒက္ခိဏခရိုင်၊ ပျဉ်းမနားမြို့နယ်၊ သစ်တောဦးစီးဌာမှ ဦးစီးအရာရှိနှင့် တပ်ကုန်းမြို့နယ်၊ သစ်တောဦးစီးဌာနမှ ဦးစီးအရာရှိတို့ ဦးဆောင်သော သစ်တောဝန်ထမ်းများအဖွဲ့သည် ပျဉ်းမနားမြို့နယ်၊ အလယ်ပေါင်းလောင်းရေအားလျှပ်စစ် စီမံကိန်းဧရိယာအတွင်း တရားမဝင်သင်္ဂဒူ/ကညင်ခွဲသား (၆၇)ချောင်း (၁၀.၁၀၀၄)တန်အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၃-၅-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်၊ သစ်တောဦးစီးဌာနမှ သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့(ရေကြောင်း)မှ ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေး အဖွဲ့ဝင်များပါဝင်သော ပူးပေါင်းအဖွဲ့သည် မုံရွာမြို့နယ်၊ ကိုင်းကျေးရွာဆိပ်ကမ်းနှင့် မျက်နှာချင်းဆိုင်၊ ချင်းတွင်းမြစ်အတွင်း တရားမဝင်ကျွန်းသစ်(၁၂)လုံး(၁၃.၇၁၄)တန်အား တရားခံ(၁)ဦးနှင့်အတူ ဖမ်းဆီးရမိခဲ့ပြီး တရားခံအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ် ဆောင်ရွက်သွားမည်ဖြစ်ပါသည်။
ပြည်သူပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁-၅-၂၀၂၀ ရက်နေ့တွင် ဧရာဝတီတိုင်းဒေသကြီး၊ ဟင်္သတခရိုင်၊ သစ်တောဦးစီးဌာနမှ လက်ထောက်ညွှန်ကြားရေးမှူး၊ ဦးဆောင်သော သစ်တောဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ ကျေးရွာအုပ်ချုပ်ရေးအဖွဲ့ဝင်များပါဝင်သော ပူးပေါင်းအဖွဲ့သည် ကြံခင်းမြို့နယ်၊ သစ်ဆိမ့်ကိုင်းကျေးရွာ၏ အရှေ့တောင်ဘက်(၇)ဖာလုံခန့်အကွာ တောစပ်နေရာ၌ တရားမဝင်ကျွန်းခွဲသား (၅၂)ချောင်း (၅.၈၂၉၆)တန် အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်း ရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။
၁-၅-၂၀၂၀ ရက်နေ့တွင် ဧရာဝတီတိုင်းဒေသကြီး၊ သစ်တောဦးစီးဌာနမှ ညွှန်ကြားရေးမှူး ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များပါဝင်သော ပူးပေါင်းအဖွဲ့သည် ပုသိမ်မြို့နယ်၊ ဂမုန်းကွင်း(အထက်၊ အောက်)၊ သာပေါင်းလေးတစ်ဖက်ကမ်း၊ ရှောပြာချောင်း ဝဲကြီးဒေါင့်ကွေ၊ ကင်ပွန်းချဉ်ရပ်၊ ရေကျော်ချောင်းအတွင်းနှင့် ဇင်ပြွန်းကုန်းကျေးရွာအနီး ငဝန်မြစ်ကမ်းဘေးနေရာတို့၌ ပဲ့ထောင်(၂)စီး၊ စက်လှေ(၁)စီးတို့နှင့်အတူ တရားမဝင်တောင်သရက်/ဘောင်ဆန့်သစ်/ခွဲသား (၄၃၅)လုံး/ချောင်း (၄၈.၀၆၄၆)တန်အား တရားခံ(၂)ဦးနှင့်အတူ ဖမ်းဆီးရမိခဲ့ပြီး တရားခံများအား ဥပဒေနှင့်အညီ ထိရောက်စွာ အရေးယူနိုင်ရေး သက်ဆိုင်ရာရဲစခန်းတွင် အမှုဖွင့်လှစ်ဆောင်ရွက်လျက် ရှိပါသည်။
(၂.၅. ၂၀၂၀)ရက်နေ့(၁၆:၃၀) နာရီအချိန်ခန့် တွင် တောင်ကုတ်မြို့နယ် သစ်တောဦးစီးဌာနမှဦးစီးအရာရှိ ဦးမျိုးဆွေသိန်း ဦးဆောင်သောသစ်တောဝန်ထမ်း(၆)ဦးအဖွဲ့သည် မြို့မဘိနယ်မြေ အတွင်း နယ်မြေရှင်းလင်းခြင်းဆောင်ရွက်ခဲ့ရာ၊ ပန်းတောင်း-တောင်ကုတ်ကားလမ်းအနီး မှ (စလူကျေးရွာအောက်ဖက်) နေရာတွင် တရားမဝင်ကညင်ခွဲသား ၃၃ ချောင်း ( ၅.၆၄၇၀) တန်နှင့် ကားလမ်းအနီး အခြားတနေရာမှတရားမဝင်ကညင်ခွဲသား ၃၅ချောင်း ( ၅. ၂၆၁၂) တန်၊ စုစုပေါင်း ကညင်ခွဲသား (၆၈)ချောင်း ( ၁၀.၉၀၈၂) တန်အားပိုင်ရှင်မဲ့ ဖမ်းဆီးရမိခဲ့ရာဖမ်းဆီးရမိသစ်ခွဲသားများအားတောင်ကုတ်မြို့ နယ်သစ်တောရုံးဝင်းသို့ သယ်ယူရန် စီစဥ် ဆောင်ရွက်လျက်ရှိပြီး၊ သစ်ပိုင်ရှင်အား သက်ဆိုင်ရာ အုပ်ချုပ်ရေးအဖွဲ့ တို့နှင့်အတူစုံစမ်းရှာဖွေဖော်ထုတ် ၍ သစ်တောဥပဒေအရထိရောက်စွာအရေးယူဆောင်ရွက် သွားမည်ဖြစ်ပါသည်။
၁-၅-၂၀၂၀ ရက်နေ့တွင် နေပြည်တော်ကောင်စီနယ်မြေ၊ ဥတ္တရခရိုင်၊ သစ်တောဦးစီးဌာန လ/ထညွှန်ကြားရေးမှူး ဦးဆောင်သော သစ်တောဝန်ထမ်းများအဖွဲ့သည် ဥတ္တရသီရိမြို့နယ်၊ ပလွေးကြိုးဝိုင်းအကွက်(၅၆)အတွင်း တရားမဝင် သတီ/ သံသေ/ ကြက်ရိုး/ ရုံး/ လယ်ဇခွဲသား (၄၈)ချောင်း (၇.၁၇၀၂)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။