သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
သစ်တောဦးစီးဌာန

ပြည်သူလူထုပူးပေါင်းပါဝင်မှုဖြင့် လူထုအခြေပြုစောင့်ကြပ်ကြည့်ရှု့ သတင်းပို့စနစ်-CMRS ဖြင့် သတင်းပေးပို့ချက်အရ ၁-၂-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကလေးမြို့နယ်၊ သစ်တောဦးစီး ဌာနမှ ဦးစီးအရာရှိနှင့် မင်းကင်းမြို့နယ်၊ သစ်တောဦးစီးဌာနမှ ဦးစီးအရာရှိတို့ဦးဆောင်သော သစ်တော ဝန်ထမ်းများအဖွဲ့သည် မင်းကင်းမြို့နယ်၊ မြောင်းဇင်းကျေးရွာအရှေ့မြောက်ဘက် (၁)မိုင်ခန့် အကွာမှ တရားမဝင် အင်သစ်/လုံးပတ်(၃)ပေအောက်အင်သစ် (၆၀)လုံး (၁၆.၀၅၄၀)တန်အား ပိုင်ရှင်မဲ့ ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

၁-၂-၂၀၂၀ ရက်နေ့တွင် စစ်ကိုင်းတိုင်းဒေသကြီး၊ ကသာခရိုင်၊ သစ်တောဦးစီးဌာနမှ လ/ထညွှန်ကြားရေးမှူး နှင့် ထီးချိုုင့်မြို့နယ်၊ သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ သစ်တောလုံခြုံရေးရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ထီးချိုင့်မြို့နယ်၊ ပြင်တဲကြိုးဝိုင်း အကွက်အမှတ် (၆၈၊၆၉)နေရာတို့မှ တရားမဝင် ထောက်ကြံ့/အင်ကြင်း/ကျွန်း/ဘင်္ဂ/ယမနေသစ် (၃၆)လုံး (၁၀.၂၄၈၀)တန်အား ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိပါသည်။

၃-၂-၂၀၂၀ ရက်နေ့၊ နံနက်(၉:၃၀)နာရီတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ သစ်တောဦးစီးဌာန၊ ညွှန်ကြားရေးမှူးချုပ်ရုံး၊ အင်ကြင်းခန်းမ၌ ပြည်ပနိုင်ငံများသို့ သွားရောက်ခဲ့ပြီး ပြန်လည်ရောက်ရှိလာသောဝန်ထမ်းများမှ အတွေ့အကြုံ ရှင်းလင်းခြင်း အစီအစဉ်ကို ကျင်းပပြုလုပ်ခဲ့ပါသည်။ အစီအစဉ်အရ ဦးစံမင်းရွှေ(တောအုပ်ကြီး)၊ စီမံကိန်းနှင့်စာရင်းအင်းဌာနက ဂျပန်နိုင်ငံတွင် (GIS-Remote Sensing, Information System and Community Participation for Biodiversity)သင်တန်းတက်ရောက်ခဲ့သည် အတွေ့အကြုံဗဟုသုတများကို ရှင်းလင်း ဆွေးနွေးခြင်း၊ ဒေါ်မြတ်ဆုမွန်(တောအုပ်ကြီး)၊ သဘာဝဝန်းကျင် နှင့်သားငှက်တိရစ္ဆာန်ထိန်းသိမ်းရေးဌာနက ဖိလစ်ပိုင်နိုင်ငံ တွင် (The Regional Workshop on OECMs to Accelerate Progress on Aichi Target 11 Implementation in the East and Southeast Asia Region) တက်ရောက်ခဲ့သည် အတွေ့အကြုံဗဟုသုတများကို ရှင်းလင်းဆွေးနွေးခြင်း၊ ဒေါ်ကြည်ကြည်ခိုင် (သုတေသန လက်ထောက်-၂)၊ သစ်တောသုတေသနဌာနက မလေးရှားနိုင်ငံတွင်( Regional Workshop on Domestication of Endangered, Endemic and Threatened Species in Disturbed Terrestrial Ecosystems) တက်ရောက်ခဲ့သည် အတွေ့အကြုံဗဟုသုတများကို ရှင်းလင်းဆွေးနွေးခြင်းနှင့် ဦးတင်နိုင်စိုး(ဦးစီးအရာရှိ)၊ သဘာဝတော နှင့်စိုက်ခင်းလုပ်ငန်းဌာနက ကမ္ဘောဒီးယားနိုင်ငံ တွင်(Thematic Consultation on Area-based Conservation Measures for the Post-2020 Global Biodiversity Framework) တက်ရောက်ခဲ့ သည် အတွေ့အကြုံဗဟုသုတများကို ရှင်းလင်း ဆွေးနွေးခြင်းတို့ကို ဆောင်ရွက်ခဲ့ရာ တက်ရောက် လာသူများမှ အပြန်အလှန် ဆွေးနွေးခဲ့ကြပါသည်။